2 Reyes 5:11 - Biblia Enxet

¹¹ Aplókók apagko' axta han Naamán, axta aptáhak appaqmétegkokxo s'e: —Éneyk xeyk hemok takha', tén han etnamha ewónmakha m'a Dios Wesse' apagkok, keñe han etnehek ketók apmek ma'a ekmasagkexa nak émpehek, keñe hemasséssesek ma'a ektepelchamaxche nak émpehek.

2 Reyes 5:11 ပူးပေါင်းရင်းမြစ်များ

Génesis 20:7

Egkeyásekxa sa' kaxwók aptáwa' xa énxet nak, hakte aplegasso sekpeywa ko'o xa, elmaxnéssesek sa' han xép yaqwayam eweynchamha chá'a; sa' agkok egkeyásekxak xa, yetsapok sa' xép, ekweykekxoho m'a aphawóxama apagko' nak.”

2 Reyes 4:5

Taqháwok axta m'a kelán'a keñe ektaxnegwákxo kañe' axagkok yetlo m'a étchek apkelennay'a. Kelyetmégkek axta han pexmok égmenek ma'a mahamo apkelmésso axta chá'a m'a étchek.

2 Reyes 5:10

Keñe axta Eliseo apcháphasa xama apkeláneykha apkeltamho etnehek yának se'e: “Exeg, etne sa' siete apyaqpasso yegmen ma'a wátsam Jordán, tén sa' káxñekxohok apyempehek kamaskok ma'a negmasse ektepelchamaxche egyempehek.”

2 Reyes 5:12

¡Keltásek ma'a wátsam ekhágko nak Damasco, cham'a Abaná tén han Farfar! ¡Kaxnók ma'a ekyókxoho wátsam nak Israel! ¡Táse' nak axta eykhe ayaqpássekxak ma'a keñe ataqmelwók! Aplókók apagko' axta han aptaqháwo.

Proverbios 1:32

Meyke apkelya'áseyak aqsok chá'a kalnápok ma'a melya'áseyak nak aqsok, keñe m'a élyeyháxma nak kalnápok chá'a m'a meyke nak élyetnakhayo apkelwáxok;

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.