2 Reyes 5:1 - Biblia Enxet

¹ Aphegkek axta xama énxet apwesey axta Naamán, apteme axta sẽlpextétamo apkemha apmonye' apagkok ma'a wesse' apwányam nak Siria, apchásekhayók axta m'a wesse' apwányam apagkok, emyawhok axta han, hakte apkelmallahanchessegkek axta Wesse' egegkok énxet'ák Siria apchásenneykekxo m'a. Negmasse ektepelchamaxche egyempehek axta eyke temék xa énxet nak.

2 Reyes 5:1 ပူးပေါင်းရင်းမြစ်များ

2 Samuel 3:29

¡Joab sa' káhapwak apsexnánémap, tén han ekyókxoho apnámakkok, megkameykehek sa' chá'a aphawóxama m'a eksekkeneykha nak chá'a éma agkok, tén han negmasse ektepelchamáxche nak egyempehek, tén han ekyaqteyeykha nak chá'a kaxog, tén han ekmatñá nak chá'a, essenhan meyk élnapma!”

2 Reyes 4:8

Xama ekhem axta apyeykhágwokmo Eliseo m'a Sunem. Kelenxanakmek axta han xama kelán'a ekxákma axta aqsok agkok ekhama axta m'a, éltamho etáswók apto axagkok. Yókxoho apyeykhágweykta axta han chá'a Eliseo etáswaták apto m'a.

2 Reyes 5:2

Apmeyk axta han xama kelán'a étkok sirios neyseksa apketámeyak axta m'a israelitas, keñe kélhéssekmo kélteméssesa éláneykha Naamán aptáwa'.

2 Reyes 5:27

Xép sa' kaxwók katnehek xa negmasse ektepelchamaxche egyempehek ektéma axta m'a Naamán, ekweykekxoho m'a aptawán'ák neptámen meyke néxa. Xama axta apyenyékxo Guehazí m'a Eliseo, temék axta negmasse ektepelchamaxche egyempehek ekyentaxno agko', mópégkek axta, ektémól'a yeyam appok.

2 Reyes 7:3

Keñe m'a cuatro énxet'ák ektamhéyak axta negmasse ektepelchamaxche egyempehek, apheykencha'a axta m'a átog nak tegma apwányam, aptáhak axta chá'a apcháneya pók se'e: —¡Chaqhémok negheykencha'a nélhaxanma agmaskok se'e!

Ester 10:3

Mardoqueo axta apteme aptétéyak chá'a ektémakxa aptamheykha m'a wesse' apwányam, cham'a judío nak. Énxet ekyawe kéláyo axta aptemék nepyeseksa m'a judíos. Apchásekhayók axta m'a apyókxoho apchókxa xamo', hakte apketagkassegkek axta aqsok ektaqmela m'a énxet'ák apagkok. Apwasqápeykekxók axta apkeltémo etaksek ektaqmalma apheykha m'a appeywomo xamo' nak.

Ester 9:4

hakte énxet ekyawe kéláyo axta aptemék kaxwók Mardoqueo m'a wesse' apxagkok nak. Sawheykekxók axta nahan apxénamáp ma'a ekyókxoho kañe' apchókxa. Chánteykegkek axta aqsa nahan apteme ekha kélyeheykekxoho.

Éxodo 11:3

Apkeltamhók axta nahan kaltaqmalmakha aqsa apwáxok Wesse' egegkok elanok egipcios ma'a israelitas. Tén axta m'a faraón apkeláneykha nak apteméssesa Moisés xama énxet apwányam nepyeseksa, hawók axta aqsa nahan ektáhakxa apwáxok ma'a apyókxoho énxet'ák apheykha axta m'a ekyókxoho kañe' Egipto.

Proverbios 21:31

Eltahanchesek chá'a apchánte énxet yaqwayam emhagkok kempakhakma, Wesse' egegkok akke apmallahanchesso chá'a.

Deuteronomio 2:37

Wánxa axta aqsa negáyekmo negko'o mólnápomáxko m'a apkelókxa nak énxet'ák Amón, tén han ma'a ekyókxoho yókxexma nak ma'a wátsam Jaboc, tén han ma'a tegma apkelyawe apheykegko nak ma'a ekxámokmakxa nak meteymog élekhahéyak, tén han ma'a ekyókxoho mók yókxexma, meltémókxa axta chá'a ómpakhak ma'a Wesse' egegkok.