2 Reyes 4:23 - Biblia Enxet

²³ —¿Yaqsa ektáha ekmako nak katyánegwakxohok sakhem ma'a? —axta aptáhak apkelmaxneyáncha'a m'a atáwa'—. Háwe pelten aphaxnagkok, háwe han sábado s'e sakhem nak. —Nágkatneykha aqsa apwáxok —axta entáhak eyátegmowágko m'a.

2 Reyes 4:23 ပူးပေါင်းရင်းမြစ်များ

2 Reyes 4:22

Tén axta ekwónencha'a atáwa', entáhak axta eyáneya: —Yána hana héntegkásenták xama yámelyeheykok ma'a apkeláneykha nak, Dios appeywa aplegasso ko'o peyk ay'ókxa', kaxwók sa' awaták makham.

2 Reyes 4:24

Keñe axta éltamho kóltahanchessesek yámelyeheykok, axta táhak eyáneya m'a éláneykha: —Nók, exeg sa' apmonye'. Ná eyáqkassem aqsa maltamho enxoho eyáqkassók.

1 Crónicas 23:31

kélméssek axta agkok chá'a Wesse' egegkok aqsok kélwatno ekhem sábado, tén han pelten aphaxnagkok nak, tén han élánamáxchexa nak chá'a kélessawássessamo ekyawe, elanaksek axta chá'a aqsok Wesse' egegkok, cham'a apwánxa axta chá'a eknaqtáxésamaxche apkelwesey.

Amós 8:5

kéxegke kélteme nak chá'a kólpaqmétek se'e: “¿Yaqsa sa' kexaha ekhem esawhakpok pelten aphaxnagkok, yaqwayam enxoho agkexeykxak makham hótáhap apaktek egagkok? ¿Yaqsa kexaha ekhem kasawhaxchek sábado yaqwayam enxoho agkexeykxak ekmomnáwa agko' ma'a aqsok aktek negkeneykekxa', ólmaha m'a kelyetsátéyak élmenyexmo nak?

Números 10:10

Kólpáwés sa' nahan kélaqkahasso m'a ekhem ekpayheykekxexal'a egwáxok, ektémól'a m'a ekhem kélessawássessamókxal'a, essenhan ma'a pelten aphaxnagkok, kélméssamakxal'a m'a aqsok élwatnamáxche' tén han ektekyómakxa nak kélnaqtósso ekyaqmageykekxa sẽlásekheykekxoho. Keñe sa' kaxénwakxohok ko'o ewáxok kéxegke, ko'o sektáha nak Dios Wesse' kélagkok.”

Números 28:11

“Ánet weyke kelennay'a étkók sa' chá'a hélmések yaqwayam hélwatnések ko'o sektáha nak Wesse' kélagkok, eyeynókxa nak chá'a ekxega xama ekhem yókxoho pelten, tén han xama nepkések apkennawo', tén han siete nepkések apketkók xama apyeyam apagkok nak chá'a, meyke nak ektemegweykmohóxma apyempehek.

Números 28:9

“Apqánet nepkések apketkók chá'a payhawók kéxegke hélmések sábado xama apyeyam apagkok nak, meyke nak ektemegweykmohóxma apyempehek, keñe cuatro kilos ma'a hótáhap aptaqmalma apagko' nak, kélyélaqtésso nak kélencheheykekxa m'a pexmok égmenek, yaqwayam kóltéhek sélmésso naqsa aqsok aktek ekyexna kélcheneykekxa, yetlo m'a vino ekxegexma agko' nak chá'a aqsok sélmésso naqsa.

1 Samuel 20:5

Keñe axta David aptáha s'e: —Saka élánamáxchexa kélessawássessamókxa pelten aphaxnagkok, eyáneyáxcheyk eyke ko'o atwok sekto xamo' ma'a wesse' apwányam. Heyho sa' eyke eyxánegwók ma'a yókxexma ekweykmoho mók ekhem, taxnám,