2 Reyes 3:11 - Biblia Enxet

¹¹ Keñe apkelmaxneyáncha'a m'a Josafat: —¿Mékoya xama Wesse' egegkok appeywa aplegasso s'e, yaqwayam enxoho agásenneykxak elmaxneyha Wesse' egegkok ma'a? Apchátegmowágkek axta xama sẽlpextétamo apkemha apmonye' apagkok nak ma'a wesse' apwányam Israel: —Apheyk Eliseo s'e, Safat axta apketche, apteme axta appasmeykha aptamheykha m'a Elías.

2 Reyes 3:11 ပူးပေါင်းရင်းမြစ်များ

Génesis 18:4

Leyawók sa' agkok kélwáxok, wának sa' sekxók kólsantagkasek yegmen yaqwayam kólyenyesagkok kélmagkok, tén sa' kóllókasek kélyampe yaqwatakxoho s'e kóneg yámet pessesse agkok nak.

1 Reyes 19:21

Apyenyeykxeyk axta Eliseo m'a Elías, keñe apxega, apkelnapchek axta han ánet weyke kelennay'awo, keñe apkelyaqtennágko, apkelwatneykxeyk axta m'a yámet kélpekkenmól'a nagyétek weyke apyaqxaya m'a ápetek, keñe apkelágko m'a énxet'ák. Tén axta apyetlákxo m'a Elías, appasmeykha aptamheykha axta aptáhak.

1 Reyes 22:7

Apkelmaxneyáha axta han ma'a Josafat: —¿Mékoya han pók Dios appeywa aplegasso s'e yaqwayam enxoho han ólmaxneyha?

2 Reyes 2:25

Keñe axta apmeyeykekxo Eliseo m'a egkexe nak Carmelo, axta apkeñamak apmeyeykekxo m'a Samaria.

2 Reyes 3:10

Tén axta wesse' apwányam Israel aptáha s'e: —¡Hay! Ennaqláyekmek ko'ónek negko'o Wesse' egegkok egqántánxo kelwesse'e apkelwányam, yaqwayam hẽlmések ma'a moabitas.

2 Reyes 3:12

—Nak sa' hẽltennaksek amya'a eñama nak Wesse' egegkok ma'a —axta aptáhak apchátegmowágko Josafat. Yetlókok axta apmahéyak wesse' apwányam Israel ma'a, tén han Josafat wesse' apwányam nak Edom, apyo'ókmo m'a Eliseo;

2 Reyes 3:3

Hawók axta eyke ektémakxa axta apkelane mey'assáxma m'a Jeroboam, Nabat axta apketche, apkelánéseykegko axta melya'assáxma m'a énxet'ák nak Israel.

1 Crónicas 10:13

Cháxa ektáhakxa axta apketsapa m'a Saúl eñama eksexnenagko aptémakxa ekmaso, hakte apkeláneyak axta mey'assáxma melyaheykekxo apkeltémókxa axta etnehek ma'a Wesse' egegkok, ñémékxa apya'áyekmo axta xama kelán'a yohóxma élwóneykha axta chá'a kélhagák

1 Crónicas 14:10

Keñe axta David apkelmaxneyáncha'a m'a Wesse' egegkok, aptáhak axta s'e: —¿Ewancheya sa' ko'o aktamagkok filisteos? ¿Hemallahancheseya sa' ko'o nepyeseksa m'a énxet'ák nak? Apchátegmowágkek axta Wesse' egegkok: —Ektamák sa', hakte amallahanchesek sa' ko'o exchep nepyeseksa m'a énxet'ák nak.

1 Crónicas 14:14

tén axta apkelmaxneyáncha'a makham David ma'a Dios, apchátegmowágkek axta Dios: —Nágkólmohok aqsa apmonye' kólchetamagkok, kólwakha sa' sekxo', neptámen sa' kóleñék kólchetamagkok kélwokmo enxoho m'a élámhakxa nak yámet élmátsa nak élpaqneyam.

1 Crónicas 15:13

hakte háwe axta kéxegke kélseykenta m'a sekxók axta, axta keñamak apchaqhama Dios Wesse' egegkok xama nenxegexma axta negko'o, hakte axta ólmaxneyáha ekpayhawo neykhe antéhek.”

2 Crónicas 18:6

Apkelmaxneyáha axta han ma'a Josafat: —¿Mékoya han pók Dios appeywa aplegasso s'e yaqwayam enxoho han ólmaxneyha?

Salmos 74:9

Massék kaxwók nélwet'a m'a aqsok élpagkanamaxche' nélmeykegkaxa nak chá'a ólpeykesho'; méko kaxwók xama enxoho m'a aplegasso nak appeywa, magya'ásegkok han yaqwánxa katnégwók néxa xa.

Jeremías 37:17

Apkeltamhók axta kólyentemekxak Jeremías wesse' apwányam Sedequías ma'a aphakxa nak, xama axta kélyentamákxo Jeremías ma'a aphakxa nak wesse' apwányam, axta aptáhak apyexákpoho apkelmaxneyáncha'a s'e: —¿Yetneya amya'a eñama Wesse' egegkok? Aptáhak axta Jeremías apchátegmowágko s'e: —Éhay, temék se'e: emakpok sa' xép wesse', wesse' apwányam Babilonia sa' emok.

Amós 3:7

Melanyek chá'a aqsok Wesse' egegkok mexekmósa enxoho chá'a sekxók aqsok apxekmósso m'a apkeláneykha, apkellegasso nak appeywa.

Josué 1:1

Natámen apketsapma axta Moisés, apteme axta Wesse' egegkok apchásenneykha, keñe appaqhetchesa Wesse' egegkok ma'a Josué, apketche nak Nun, apteme axta appasmeykha aptamheykha m'a Moisés. Axta aptáhak apcháneya s'e:

Josué 9:14

Aptókagkek axta énxet'ák Israel aptéyak axta m'a énxet'ák nak Gabaón, axta eyke elmaxneyáha m'a Wesse' egegkok.

Jueces 20:18

Apkelmahágkek axta israelitas ma'a Betel, apkelpaqhetcháseykpók axta Dios ma'a yaqwayam enxoho elya'asagkoho', yaqsa énxet'ák ektamagkok apmonye' m'a Benjamín énxet'ák apagkok. Apchátegmowágkek axta Wesse' egegkok apxéna Judá énxet'ák apagkok ektamagkok apmonye'.