2 Reyes 22:8 - Biblia Enxet

⁸ Apkeltennáseyha axta han Hilquías, apteme nak apkemha apmonye' apkelmaxnéssesso Dios énxet'ák apagkok ma'a Safán, apteme axta aptáxésso chá'a weykcha'áhak, apwetákxo weykcha'áhak segánamakxa m'a Wesse' egegkok nak tegma appagkanamap apagkok; apméssek axta m'a weykcha'áhak, apkelyetsetchek axta m'a Safán.

2 Reyes 22:8 ပူးပေါင်းရင်းမြစ်များ

2 Reyes 22:9

Tén axta Safán apkeltennásseykxo m'a wesse' apwányam. Aptáhak axta apcháneya: —Apkelpeykesákxeyk apkeláneykha m'a sawo ekmope élmomnáwa ekheykegko nak ma'a tegma appagkanamap, apkelmeyásegkek ma'a apkelánémap nak elánekxak ma'a Wesse' egegkok tegma appagkanamap apagkok.

2 Reyes 23:2

Keñe axta wesse' apwányam tén han ma'a apyókxoho apkelennay'a nak Judá, keñe han ma'a apheykha nak Jerusalén, tén han apkelmaxnéssesso Dios énxet'ák apagkok, keñe han Dios appeywa apkellegasso, tén han ma'a apyókxoho énxet'ák, apketkók tén han apkelwányam, apkelmeyákxo m'a Wesse' egegkok tegma appagkanamap apagkok. Cháxa apkelyetsetchesakxa axta han wesse' apwányam ekyennaqte agko' ekyókxoho ektémakxa ekpeywa m'a weykcha'áhak, ekhémo mók nélpaqhetchásamáxche', kélweteykekxa axta m'a Wesse' egegkok tegma appagkanamap apagkok.

2 Reyes 23:24

Apmasséssekmek axta han Josías ma'a apkelyohóxma tén han ma'a apkelya'áseykegkoho axta chá'a m'a aqsok ekpowásamáxche', tén han ma'a kéleykmássesso étkók apnegkenéyak axta chá'a apxanák apcháyókxa m'a énxet'ák, tén han ma'a mók aqsok kéleykmássesso kéláyókxa nak chá'a, tén han ma'a ekyókxoho aqsok élmasagcha'a kélmeykencha'awo axta chá'a kólpeykeshok aqsok ma'a Judá tén han Jerusalén élwetamaxko axta chá'a kaxnagkok ma'a. Aptemegkek axta xa, yaqwayam enxoho elának ma'a ektémakxa axta ekpeywa eknaqtáxésamaxche m'a weykcha'áhak segánamakxa, apweteykekxa axta apkelmaxnéssesso Dios énxet'ák apagkok Hilquías ma'a Wesse' egegkok nak tegma appagkanamap apagkok.