2 Reyes 22:4 - Biblia Enxet

⁴ —Ey'ókxa sa' Hilquías, apteme nak apkemha apmonye' apkelmaxnéssesso Dios énxet'ák apagkok, yána sa' yánchásekxak selyaqye kélseykekxa nak chá'a m'a Wesse' egegkok tegma appagkanamap apagkok, tén han apcháncheseykha nak apkeltaqmelchesso átog ma'a nepyeseksa énxet'ák,

2 Reyes 22:4 ပူးပေါင်းရင်းမြစ်များ

2 Reyes 12:4

Xama ekhem axta aptáha apkeláneya Joás ma'a apkelmaxnéssesso Dios énxet'ák apagkok: —Kólánchásekxa sa' kéxegke ekyókxoho selyaqye eknegkenamaxche nak chá'a kélmésso naqsa Wesse' egegkok, kélseykenta nak chá'a m'a tegma appagkanamap apagkok, kólmok sa' chá'a m'a ekwánxa enxoho apkelánémakpexa nak chá'a eyánmagkasek xama énxet, tén han ma'a ekyókxoho aqsok kélmésso naqsa apseykenta apagko' nak chá'a xama énxet ma'a Wesse' egegkok tegma appagkanamap apagkok. Kólmaxna sa' chá'a m'a apkeltaqmelchesso nak selyaqye, yaqwayam sa' kóllánekxak eyeyméxchexa enxoho chá'a m'a tegma appagkanamap.

2 Reyes 18:18

Tén axta apwónéncha'a m'a wesse' apwányam, tén han Eliaquim, Hilquías axta apketche, apteme axta apkemha apmonye' m'a tegma apyawe nak, keñe han ma'a Sebná, apteme axta weykcha'áhak aptáxésso, tén han Joah, Asaf axta apketche, apteme axta appasmeykha aptamheykha wesse' apwányam, apkelántekkek axta apkelanyexakmo.

1 Crónicas 6:13

Hilquías axta apyáp ma'a Salum, keñe axta Azarías apyáp ma'a Hilquías,

1 Crónicas 9:11

Azarías, apketche axta Hilquías, cham'a Hilquías, Mesulam axta apketche, cham'a Mesulam, Sadoc axta apketche, cham'a Sadoc, Meraiot axta apketche, cham'a Meraiot, Ahitub axta apketche, apkemha apmonye' axta m'a Dios apxagkok nak;

1 Crónicas 9:19

Salum, Coré axta apketche, cham'a Coré, Ebiasaf axta apketche, cham'a Ebiasaf, Coré axta apketche, keñe han ma'a apnámakkok coreítas, axta apkelánémap etaqmelchesek ma'a nentaxnamakxa nak tegma appagkanamap, aptamheykegko axta m'a apyapmeyk nano', aptaqmelchessama axta m'a nentaxnamakxa nak Wesse' egegkok appakxanma.

2 Crónicas 8:14

Appekkenchessek axta han yaqwánxa chá'a katnehek apkeltamheykha, apkeltémókxa axta katnehek ma'a David, apyáp axta, yaqwayam enxoho elanagkok apkeltamheykha m'a apkelmaxnéssesso Dios énxet'ák apagkok, keñe levitas etnehek chá'a apkelpeykessamo Wesse' egegkok, tén han epasmok chá'a apkeltamheykha m'a apkelmaxnéssesso Dios énxet'ák apagkok, apkeltamhókxa enxoho chá'a elanagkok yókxoho ekhem. Appekkenchessek axta han yaqwánxa chá'a katnehek apkeltamheykha xama átog ma'a apkeltaqmelchesso nak átog, hakte axta apkeltémok etnehek ma'a David, apteme axta Dios énxet apagkok.

Nehemías 11:19

Keñe axta apkeltaqmelchesso átog se'e: Acub, Talmón, tén han apnámakkok nak, apkelhaxneykha axta chá'a m'a atña'ák nak, ciento setenta y dos axta apyókxoho.

Salmos 84:10

¡Tásek axek chá'a ko'o xama ekhem ma'a kañe' nak tegma appagkanamap apagkok, kaxnók aweynchamha aqsa ekwenaqte m'a yókxexma! Émenyeyk ko'o atnehek sektaqmelchesso átog ma'a Dios ahagkok nak tegma appagkanamap apagkok, kaxnók axek ma'a apxanák nak élmasagcha'a apkeltémakxa.