2 Reyes 2:4 - Biblia Enxet

⁴ Tén axta Elías aptéma apkenagkama Eliseo s'e: —Exnekxa sa' xép se'e, Jericó ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok tén han xép, mayenyewek sa' apxakko'. Keñe axta apkelxegama ekweykekxoho m'a Jericó.

2 Reyes 2:4 ပူးပေါင်းရင်းမြစ်များ

1 Reyes 16:34

Apxátekhássekxeyk axta makham tegma apwányam Jericó m'a Hiel, apkeñama nak Betel, aphamakxa axta makham Ahab. Apketsepmeyk axta apketche átnaha apketkok apwesey axta Abiram apnegkenchásegko axta apowhók ma'a tegma, apketsepmeyk axta han apketche apsexyo, apwesey axta Segub, apnegkencháseykegko axta atña'ák, ekhawo m'a ektémakxa axta apxeyenma Wesse' egegkok, apchásenneykekxo axta m'a Josué, Nun axta apketche.

2 Reyes 2:2

Axta aptemék Elías apkenagkama Eliseo s'e: —Exnekxa sa' xép se'e, Betel ko'o apkeltamhók amhagkok Wesse' egegkok. Apchátegmoweykegkek axta Eliseo: —Naqso' ko'o ektemessásak sekpeywa yetlo sekxeyenma apwesey Wesse' egegkok, tén han xeyep, mayenyewek sa' apxakko'. Keñe axta apkelxegama apkelmaheykegko m'a Betel.

2 Reyes 4:30

Keñe axta m'a egken nak sakcha'a, ektáha eyáneya Eliseo: —Naqsók ko'o ektemessásak sekpeywa yetlo sekxeyenma apwesey m'a Wesse' egegkok, keñe han xeyep, mataqhók sa' ko'o mehetlákxo enxoho exchep. Keñe axta apyetlákxo Eliseo m'a kelán'a.

Josué 6:1

Méko axta awanchek katxek, tén han katyapok ma'a tegma apwányam nak Jericó, hakte kélápegkokxeyk axta ekyókxoho atña'ák yaqwayam enxoho melántexek ma'a énxet'ák Israel.

Josué 6:26

Tén axta Josué aptáha appeywa apchésa énxet'ák se'e: “Eñássesagkohok sa' Wesse' egegkok ma'a énxet ektáha enxoho apmáheyo exátekhásekxak makham se'e tegma apwányam nak Jericó. Kólpátegkesek sa' tegma apowhók ma'a apketche apwányam, keñe sa' apketche apsexyo kóláhakkasek ma'a átog.”

Rut 1:16

Tén axta Rut ektáha eyátegmowágkokxo s'e: —¡Nágkaltamho aqsa ayenyók xeye', tén han óxpánchesaxche'! Amhagkok sa' chá'a ko'óxa m'a ekmahágkaxa enxoho chá'a, axnamok sa' nahan chá'a m'a ekhámxa enxoho chá'a. Seyókxa sa' nahan atnehek ma'a eyókxa nak, Dios ahagkok sa' nahan atnehek ma'a Dios agkok nak xeye'.

1 Samuel 1:26

Axta entáhak eyáneya Ana s'e: —Heyemlekxoho sa' xeyep Elí, ko'o neykhe m'a kelán'a sekweykto axta chá'a sektemégweykto nempeywa nélmaxnagko s'e nápaqto' nak Wesse' egegkok, aphakxa nak xép.