2 Reyes 2:14 - Biblia Enxet

¹⁴ Yetlómok axta aptekpaga yegmen ma'a apchaqlamap nak, keñe apkelpáxameykencha'a: “¿Háxko apmahágkaxa Wesse' egegkok, Dios apagkok nak Elías?” Xama axta aptekpagama yegmen keñe ekmayheykekxo, tén axta aptámeyeykekxo makham wátsam ma'a Eliseo.

2 Reyes 2:14 ပူးပေါင်းရင်းမြစ်များ

2 Reyes 2:13

Keñe apmeykekxo m'a Elías axta apchaqlamap aptéyam, tén axta apmeyeykekxo m'a Jordán apkenegweykekxo neyáwa'.

2 Reyes 4:29

Tén axta Eliseo aptáha apcháneya m'a Guehazí: —Elánekxa sa' aptáhakxa', ema sa' sektasqapeykha, keñe sa' emyekxak ma'a. Apwet'ak sa' agkok xama énxet, ná epeykes aqsa; kélpeykessek sa' agkok han, nágyátegmowák aqsa. Epekkenwakxa sa' sektasqapeykha m'a nápat nak ma'a sakcha'a.

Salmos 115:2

Yaqsa ektéma aptéma nak chá'a sẽlmaxneyeykencha'a pók énxet'ák se'e: ¿Háxko aphakxa Dios kélagkok?

Salmos 42:10

Weykmok élmásse exchakkok, eñama sexéneykha ekmaso m'a sélenmexma nak, yókxoho ekhem kélteme sélmaxneyeykha s'e: ¿Háxko aphakxa Dios apagkok?

Salmos 42:2

Awanhek ko'o étamso ewáxok Dios, Dios memassegwayam nak. ¿Yaqsa sa' kexa ekhem awakxak aphakxa Dios yaqwayam alpeykesho'?

Éxodo 14:22

xapop agko' axta nahan apkelyeykhákxak ma'a israelitas, cham'a ánet nekhaw'ék ekmayheykekxa nak neyseksa m'a yegmen, xama axta m'a ekpayho nak nélya'assamakxa tén axta nahan mók ma'a ekpayho nak nensagqalwa.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Joel 2:17

Kóllekxagwaha apkelmaxnéssesso énxet'ák ahagkok, apkeltamheykha nak chá'a sekhakxa ko'o sektáha nak Wesse', kólteme kólpaqmétek émha amonye' apwáxok nak tegma appagkanamap, tén han élwatnamáxchexa nak aqsok se'e: “Wesse', elásekhekxoho énxet'ák apagkok; nágyoho aqsa ey'ássók xama énxet enxoho m'a énxet'ák apagkok; nágyoho enaqtawasagkohok ma'a pók énxet'ák nak, nágyoho etnehek énxet melya'áseyak nak xép se'e: ¿Háxko aphakxa Dios apagkok?”

Jueces 6:13

Tén axta Gedeón aptáha apchátegmowágko s'e: —Wesse' ahagkok, apheyk agkok negko'o negyeseksa Wesse' egegkok, ¿yaqsa eyke ektéma sentéma nak negko'o s'e ekyókxoho aqsok nak? ¿Háxko ektémakxa m'a aqsok sempelakkasso sẽltennassama axta chá'a negko'o m'a ẽlyapmeyk nano', sẽltennassama nak chá'a Wesse' egegkok sẽlántekkessama m'a Egipto? Egkexakhamchek negko'o m'a Wesse' egegkok, ẽlméssegkek ma'a madianitas.