2 Reyes 2:12 - Biblia Enxet

¹² Xama axta apweteya Eliseo m'a, keñe apkelpáxameykencha'a: “¡Táta ahagkok, táta ahagkok, xép axta apteme xama sẽlpextétamo apyennaqte apkelmasma m'a énxet'ák Israel!” Keñe axta ekmassama apwete m'a Elías. Tén axta apmoma Eliseo m'a aptaxno keñe apyepteykekxo nepyeseksa.

2 Reyes 2:12 ပူးပေါင်းရင်းမြစ်များ

Génesis 37:34

Keñe axta Jacob apkelyepta aptaxno, aptaxneykxeyk axta m'a apáwa nentaxneykekxohol'a apketsapma egmók, ahóxek axta apkelekxagweykha eñama apketsapma apketche.

Génesis 5:24

Xama ekhem axta apxeganakmo Henoc, hakte Dios axta apyentamákxa', eñama apteme chá'a m'a ektémakxa axta apmopmenyého Dios.

2 Reyes 13:14

Apháxamákpek axta Eliseo meyke aptaqmelwayam, apteyánegweykmók axta han ma'a Joás, wesse' apwányam nak Israel, appathetáha axta han yetlo apkelekxagweykha. Aptáhak axta s'e: —¡Táta, táta, xép axta apteme xama sẽlpextétamo apyennaqte apkelmasma m'a énxet'ák Israel!

2 Reyes 2:13

Keñe apmeykekxo m'a Elías axta apchaqlamap aptéyam, tén axta apmeyeykekxo m'a Jordán apkenegweykekxo neyáwa'.

2 Reyes 5:13

Apya'awékxeyk axta eyke m'a apkeláneykha nak aptáha apcháneya s'e: —Wesse', kaxtemék xeyk apkeltémo elának aqsok ekmáske nak anlának ma'a Dios appeywa aplegasso nak. ¿Melanyeya exchek xép? Exchek eyke ekyágwánxa agkok aptáha enxoho apcháneya s'e: eyaqpés, tén sa' káxñekxohok apyempehek.

2 Reyes 6:21

Xama axta apkelwet'a m'a wesse' apwányam nak Israel, apkelmaxneyáha axta Eliseo: —¿Alnápoya sa' ko'o xa?

Job 22:30

Sa' emallahanchesek xép ma'a aptáha enxoho meyke aptémakxa, méko enxoho aqsok ekmaso apkelane.

Proverbios 11:11

Exatakhak chá'a xama tegma apwányam eñama kélpasmo m'a énxet'ák apkelpéwomo nak, élmasagcha'a apkeltémakxa' apkelpeywa eyke chá'a katnéssesek apmopso.

Proverbios 30:4

¿Yaqsa axta ekmeheykegko néten keñe ekweyweykento makham? ¿Yaqsa awanchek kamagkok ma'a éxchahayam? ¿Yaqsa eyaqlassama eyaqlamaxche m'a wátsam ekwányam? ¿Yaqsa axta ekpekkenma m'a néxa xapop nak? ¡Héltennés sa' apwesey! ¡Héltennés sa' han apwesey m'a apketche apya'ásegko enxoho!

Eclesiastés 7:19

Kagkéshok chá'a apyennaqte negya'áseykegkoho nak aqsok ma'a énxet ekha nak apya'áseyak aqsok, kaxnók ma'a diez apkeltaqmelchesso nak chá'a xama tegma apwányam asextók chá'a katnehek apkelyennaqte.

Isaías 37:15

axta aptáhak apkelmaxneya s'e:

Isaías 37:21

Tén axta Isaías apkeltamho kóltéhek kóltennássekxak Ezequías se'e: “Keso aptáhakxa exchek appeywa Wesse' egegkok se'e, Israel Dios apagkok nak: ‘Ekleg'ak xeyk ko'o m'a apkelmaxnagko sélmaxneya exchek apxéna m'a Senaquerib, wesse' apwányam nak Asiria.’”

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Jueces 17:10

—Exna sa' se'e sekhakxa nak —axta aptáhak apcháneya Micaías—, apkelmaxnéssesso énxet'ák ahagkok sa' etnehek, tén han sepékessáseyak chá'a ko'o. Diez selyaqye aktek élmope sa' chá'a ayánmagkasek xama apyeyam, apáwa tén han apto.