2 Reyes 2:11 - Biblia Enxet

¹¹ Neyseksa apkelxega axta tén han apkelpaqhetchásamákpoho, ekpelakkassama ekwe xama yátnáxeg apyenyawasso ekho táxa eyáléwe, máxa axta han táxa eyáléwe m'a yátnáxeg, kexpánchessegkek axta, keñe Elías ekmoma samaxche ekya'áseykekxo néten.

2 Reyes 2:11 ပူးပေါင်းရင်းမြစ်များ

Génesis 5:24

Xama ekhem axta apxeganakmo Henoc, hakte Dios axta apyentamákxa', eñama apteme chá'a m'a ektémakxa axta apmopmenyého Dios.

2 Reyes 2:1

Xama axta ekweykmo ekhem yaqweykenxa éntemekxak Wesse' egegkok ma'a Elías, cham'a ekya'áseykekxo axta néten samaxche', yókxexma Guilgal axta apkeleñamak apkelántepa m'a Elías tén han Eliseo.

2 Reyes 6:17

Keñe axta Eliseo apkelmaxneya Wesse' egegkok aptáha s'e: “Wesse' egegkok, éltamhók ko'o exekmósek xeyep yaqwayam étak se'e.” Yetlókok axta han apxekmósso Wesse' egegkok ma'a Eliseo apkeláneykha, apwet'ak axta apsawhékxoho yátnáxeg apkelchánte m'a egkexe nak, keñe han yátnáxeg apkelyenyawasso éláléweykha táxa nepyáwa m'a Eliseo.

Salmos 68:17

Xámok agko' yátnáxeg apkelyenyawasso apagkok ma'a Dios; Sinaí apkeñamak apmeyánto m'a tegma appagkanamap apagkok, yetlo m'a yátnáxeg apkelyenyawasso nak.

Habacuc 3:8

Wesse', ¿aptaqnagkamcheya exchep ma'a wátsam? ¿Aptaqnagkamók apagko' ya exchep ma'a wátsam élyawe nak? ¿Keya keñamak apchánteyncha'a nak apchánte yátnáxeg, tén han apchánta m'a yátnáxeg apyenyawasso apagkok ekmallahanmo nak chá'a kempakhakma?

Zacarías 3:8

Xép Josué, apteme nak apkemha apmonye' apkelmaxnéssesso énxet'ák ahagkok, etaqmelchesho sa' apháxenmo. Tásek sa' eleyxhok nahan ma'a apkelxegexma'a aptémo xamo' nak apkelmaxnéssesso énxet'ák ahagkok, hakte kéxegke kélteme magkenatchesso sektéma axta chá'a ko'o sekxeyenma katnehek se'e: Eyntementák sa' ko'o séláneykha, Kaxwe Aptépeykekxa'.