2 Reyes 17:7 - Biblia Enxet

⁷ Temegkek axta xa, hakte apkeláneykegkek axta melya'assáxma israelitas apkenmexeykekxo m'a Dios Wesse' apagkok, ektáha axta apkelántekkesso Egipto, apkelwagkassama axta teyp neyseksa apkelma m'a faraón, wesse' apwányam axta m'a Egipto, hakte apkelpeykessamók axta m'a mók aqsok kéláyókxa,

2 Reyes 17:7 ပူးပေါင်းရင်းမြစ်များ

1 Reyes 11:4

Apwányamók axta aptemék Salomón, yenyókassegkek axta Dios ma'a apnaqteyegka'a éltémo elpeykeshok ma'a mók aqsok kéláyókxa, hakte axta egkeyásamákpohok apagko' ma'a Dios Wesse' apagkok, aptéma axta m'a David, apyáp axta, apmeyásamákpoho apagko' ma'a Dios.

1 Reyes 15:3

Hawók axta han apkelane mey'assáxma Abiam ma'a ektémakxa axta apkelane mey'assáxma m'a apyáp, axta egkéssamók apagko' apwáxok ma'a Dios Wesse' apagkok, aptéma axta David, apyáta' nano' axta, apméssama apagko' axta apwáxok ma'a Dios.

2 Reyes 16:2

Veinte apyeyam apagkok axta apkeynamo apteme wesse' apwányam, keñe ekweykmo dieciséis apyeyam apteme wesse' apwányam ma'a Jerusalén; asagkek axta eyke ektémakxa aqsok apkelane nápaqtók Dios Wesse' apagkok, axta kaxnawok aptémakxa axta m'a David, apyáp nano' axta,

2 Reyes 17:35

Xama axta apkelánéssama ekhémo mók apkelpaqhetchásamákpoho Wesse' egegkok ma'a, axta aptemék apkelánagkama s'e: “Nágkólteme kéláyo m'a mók aqsok kéláyókxa nak, nágkólpeykesho, nágkólmés han aqsok kélnapma.

1 Crónicas 5:25

Apkenmexeykekxeyk axta eyke m'a Dios apagkok axta apyapmeyk nano', massegkek axta apkelyetleykha apkelpeykessamo m'a aqsok apkeláyókxa axta énxet'ák, apmassésseykmo axta Dios apmonye'e, tén han apkelántekkessama.

2 Crónicas 36:5

Veinticinco apyeyam apagkok axta m'a Joaquim, once apyeyam axta apteme wesse' apwányam ma'a Jerusalén. Asagkek axta eyke ektémakxa aqsok apkelane nápaqtók Dios Wesse' apagkok.

Nehemías 9:26

“Axta eyke elyaheykekxohok xép ma'a, apkenmexeykekxeyk axta, apkelwanyeykha axta m'a segánamakxa apagkok nak. Apkelnapmeyk axta han ma'a xép apkeláneykha apkellegasso nak appeywa, megyésseykekxa axta apkelxéncháseykekxoho apkeltémakxa, apkeltémo axta elyo'ókxak makham xép; aplókassama apagko' axta exchep.

Salmos 78:12

Apkeláneyak axta chá'a aqsok sempelakkasso agwetak Dios nápaqta'awók apyapmeyk nano' ma'a yókxexma Soan, ekpayho nak Egipto:

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Isaías 57:5

kélláneykegkek chá'a kéltémakxa ekmaso megkólmasexta'a m'a kóneg nak yenta'a robles tén han ma'a ekyókxoho yenta'a élyawe élyentaxno nak pessesse agkok, kélnapmeyk nahan chá'a sakcha'a kélméssama aqsok kéleykmássesso m'a nekhaw'ék yegmen ényé nak, élpatyapeykegkaxa nak ma'a meteymog.

Jeremías 10:5

Hawók náta kéleyssól'a m'a aqsok kéleykmássesso, kélchenegkessól'a m'a namyep kélcheneykekxexa nak yánsamáne, yawanchek kalpaqmétek kólpatmekxohok nahan chá'a m'a, hakte yawanchek kalxog. Nágkóle chá'a kéxegke m'a, yawanchek katnéssessamhok exma ekmaso xama énxet, yawanchek nahan kataqmelchesek.”

Ezequiel 39:24

Ekhéssamók aqsa ko'o sekteméssessama m'a ekhawo ektémakxa nak chá'a apmopmenyého elanagkok ma'a aqsok ekmanyása tén han sénmexeykha, massegkek sélányo.

Oseas 12:14

Aplókassegkek Wesse' egegkok ma'a énxet'ák Efraín, apyentaxnéssessegkek agko' apwáxok. Cháxa keñamak peya nak eyaqmagkásekxak Wesse' egegkok ma'a apkeltémakxa ekmaso agko' nak apkeláneyak, yának sa' kápekxak ma'a apkeltémakxa élmasagcha'a.

Oseas 4:12

Apkelpaqhetchásamákpók chá'a aqsok apkeláyókxa nak yántéseksek ma'a énxet'ák ahagkok; yámet chá'a elmaha eltamhok elya'asagkohok aqsok megkólya'áseyak nak. Kelmomchek ma'a ektémakxa nak apkelyespagko apkeláneyak megkalmopsexta, melaqhémók chá'a ámay apagkok ma'a énxet'ák ahagkok: apkeláneykegkek apkeltémakxa megkalmopsexta'a apyamasma m'a Dios apagkok.

Oseas 4:13

Apkelwatnegkek chá'a aqsok ekmátsa nak ekpaqneyam éten agkok ma'a néten egkexe nak, apkelnapmeyk han chá'a aqsok apnaqtósso, tén han apkeláneykegko chá'a m'a kóneg yenta'a élyentaxno nak pessesse agkok, cham'a yámet robles, álamos, tén han ma'a encinas. Cháxa keñamak éláneykegko nak éltémakxa ekmaso megkalmasexta'a m'a kélketchek kelwán'ák nak kéxegke, tén han eknaqtawáseykegkoho anaqteyegka'a élánegwayam chá'a pók énxet ma'a kéltánegken'ák nak.

Deuteronomio 31:29

Hakte ekya'ásegkók ko'o m'a sétsapa sa', enaqtawasakpok sa', elyensók sa' ma'a ámay séltémókxa axta ko'o elyetlók; ekya'ásegkók nahan peya káhapwak aqsok ekmaso m'a egmonye' sa', eñama apkelánéyak aqsok ekmaso nápaqtók ma'a Wesse' egegkok tén han aplókasso.”

Josué 23:16

megkóllánegko enxoho m'a ekhémo mók nélpaqhetchásamáxkoho apkelánesso axta kéxegke m'a Wesse' egegkok. Kélyo'ókmek sa' agkok kólpeykeshok ma'a mók aqsok kéláyókxa nak, tén han kélháxegwokmo enxoho amonye'e m'a, eltaqnaweygkok sa' kéxegke Wesse' egegkok, kaxwók sa' han emasséssók se'e xapop ektaqmalma apmésso axta.”

Jueces 6:10

Éltennassegkek axta han ko'o sekteme Dios Wesse' kélagkok, tén han maltémo kóleyk ma'a aqsok apcháyókxa nak amorreos, kélheykegkaxa nak kaxwók kéxegke m'a xapop apagkok; axta eyke hélháxenmók ko'o kéxegke.’”