2 Reyes 17:4 - Biblia Enxet

⁴ Apyekpelchágwokmek axta eyke Salmanasar apyexamakpoho apmáheyókxa etnéssesek Oseas apmáheyo yenmexek, keñe han apkeláphassama apkelxegexma'a aphakxa m'a So, wesse' apwányam nak Egipto, tén han apweteya ekmassama apyánmagkasso chá'a aqsok yókxoho apyeyam. Tén axta Salmanasar apkeltémo emakpok Oseas tén han kólaqxegkesek kañe' negmomaxchexa';

2 Reyes 17:4 ပူးပေါင်းရင်းမြစ်များ

2 Reyes 17:3

Apketámeykegkek axta Salmanasar, wesse' apwányam nak Asiria m'a Oseas, keñe axta Oseas apmeyásamákpo aqsa aptéma apkeláneykha, eyánmagkasek axta chá'a aqsok yókxoho apyeyam.

2 Reyes 17:5

keñe axta aptaxna m'a ekyókxoho apchókxa, apketámegkek axta m'a Samaria, apqántánxo apyeyam axta weykmok apkempakhe.

2 Reyes 18:21

Ekweteyak ko'o exchep apchásenneykekxo m'a Egipto. Máxa eyke yámámok énté m'a Egipto, aptasqapáha agkok xama énxet, kalyetxa', kamallahanwomhok nahan apmek. Cháxa apteméssessamakxa apyókxoho ektáha nak chá'a apyepetchegwayam ma'a faraón, wesse' apwányam nak ma'a Egipto.

2 Reyes 24:1

Aptaxnegkek axta apchókxa Nabucodonosor, wesse' apwányam axta Babilonia, neyseksa apteme wesse' apwányam Joaquim, apqántánxo apyeyam axta han apteme apkeláneykha m'a Joaquim. Tén axta apyaqmagkasa makham mók ektáhakxa apwáxok, apkenmexákxeyk axta.

2 Reyes 24:20

Axta keñamak apkeltaqnagkama Wesse' egegkok ma'a énxet'ák nak Jerusalén tén han ma'a Judá, keñe axta apkelántekkessama m'a aphakxa nak yaqwayam melwetekxók chá'a.

2 Reyes 25:7

nápaqtók axta han apkeltamhók kólyaqténchesagkok apyespa'ák ma'a apketchek. Keñe m'a Sedequías, apkeltamho kólhexyawássesek apaqta'ák, tén han kólpextétek cadena kólyentemekxak ma'a Babilonia.

2 Crónicas 32:11

Apkeltennássek sa' agkok kéxegke Ezequías elwagkasek teyp Dios Wesse' kélagkok neyseksa sekmáheyo almok, cháxa apkelyexanchásencha'a xa, tén han peya yának kólmaskok kéxegke meyk élnapma, keñe han hem élnapma.

Oseas 10:4

Epaqmésmakha aqsa chá'a, héltennaksek chá'a aqsok apmopwána amya'a, exnéshok aqsa chá'a mók apkelpaqhetchásamákpoho m'a pók apkelwesse'e nak; kaxhok sa' yámet ekmaso m'a ektémakxa nak chá'a apkelánekxésso amya'a énxet'ák, ekteyapmól'a m'a kélpeynchámxa enxoho xapop.”

Oseas 12:2

Apxénchásekxók aptémakxa Wesse' egegkok ma'a Israel, ellegássesagkohok sa' Jacob énxet'ák apagkok eñama apkeltémakxa; eyaqmagkásekxak sa' ma'a ektémakxa nak apkeláneyak aqsok.

Oseas 13:10

¿Háxko apmahágkaxa wesse' apwányam apagkok apkelwagkassamo axta chá'a teyp tegma apkelyawe apagkok? ¿Háxko apkelmahágkaxa m'a apkelwesse'e apagkok, apkelmaxnagkama axta chá'a exchep yaqwayam egkések wesse' apwányam apagkok, tén han apkelámha apmonye'e apagkok?

Oseas 8:10

Elmések sa' eykhe aqsok apkelmésso naqsa nepyeseksa m'a pók énxet'ák nak, waxpánchesek sa' eyke ko'o, kanéwhok sa' han metépeykekxa apkelwesse'e apkelwányam, tén han apkelámha apmonye'e apagkok.

Deuteronomio 28:36

“Yának sa' kólnaqlakxak kéxegke Wesse' egegkok yetlo wesse' apwányam kélagkok ma'a xama apchókxa megkólya'ásegkaxa nak kéxegke tén han melya'ásegko nak ma'a kélyapmeyk nak. Sa' kólpeykeshok chá'a mók kéláyókxa nak chá'a m'a, élánamáxche nak chá'a m'a yántéseksek tén han ma'a meteymog,