2 Reyes 13:18 - Biblia Enxet

¹⁸ Keñe axta aptáha apcháneya makham ma'a wesse' apwányam: —Elmekxa sa' makham yágke aktek. Xama axta apkelmákxo wesse' apwányam, aptáhak axta apcháneya Eliseo: —Etekpog sa' kaxwók xapop. Ántánxo aptekpaga axta han aptáhak wesse' apwányam xapop ma'a yágke aktek, keñe apkelwátesa.

2 Reyes 13:18 ပူးပေါင်းရင်းမြစ်များ

2 Reyes 13:17

Aptáhak axta apcháneya: —Emeykes sa' átog étkok ekpayho nak ekteyapmakxa ekhem. Apmeykessek axta m'a wesse' apwányam, keñe aptáha apcháneya m'a Eliseo: —¡Yahaxtaqpog kaxwo! Keñe axta aphaxtaqpaga yágke m'a wesse' apwányam. Tén axta Eliseo aptáha appeywa s'e: —¡Wesse' egegkok yágke apagkok ekteme segwagkasso teyp! ¡Yágke segwagkasso teyp énmexma nak Siria! ¡Emenxenek sa' xép énxet'ák Siria m'a ekpayho nak Afec, emasséssók sa' han apyókxoho!

2 Reyes 13:19

Tén axta aptaqnawaya Dios appeywa aplegasso, aptáhak axta apcháneya: —Kaxtemék xeyk apteme cinco essenhan seis aptekpaga xapop, esawhohok xeyk emenxenek ma'a sirios, ekwokmoho apsawhawo apkelnapma; ántánxo apmenxenma sa' eyke aqsa etnehek.

2 Reyes 13:25

Tén axta Joás, Joacaz axta apketche, apmákxo makham ektémakxa axta apkeláneykha apchókxa m'a Ben-hadad, cham'a tegma apkelyawe nak, apkelyementamoma axta apkempakhaya m'a Joacaz, apyáp axta. Ántánxo apyaqmasso axta aptemék Joás ma'a Ben-hadad, keñe apkelmeykekxo m'a tegma apkelyawe nak Israel.

2 Reyes 4:6

Xama axta éllánegko ekyókxoho mahamo, keñe ektáha makham eyáneya m'a étche: —Hesantagkas makham mók mahamo. Keñe axta m'a étche aptáha apcháneya: —Méko táhak mahamo. Yetlókok axta han ekmasse m'a pexmok égmenek.

Éxodo 17:11

Xama axta apkelya'asa néten apaktegák ma'a Moisés, apnaqtawásegkók axta apkelenmexma m'a israelitas, maxta exnawo'; keñe axta apkelweykásento makham, ekpehewákxo apkelyennaqte m'a amalecitas.