2 Reyes 12:4 - Biblia Enxet

^4-5 Xama ekhem axta aptáha apkeláneya Joás ma'a apkelmaxnéssesso Dios énxet'ák apagkok: —Kólánchásekxa sa' kéxegke ekyókxoho selyaqye eknegkenamaxche nak chá'a kélmésso naqsa Wesse' egegkok, kélseykenta nak chá'a m'a tegma appagkanamap apagkok, kólmok sa' chá'a m'a ekwánxa enxoho apkelánémakpexa nak chá'a eyánmagkasek xama énxet, tén han ma'a ekyókxoho aqsok kélmésso naqsa apseykenta apagko' nak chá'a xama énxet ma'a Wesse' egegkok tegma appagkanamap apagkok. Kólmaxna sa' chá'a m'a apkeltaqmelchesso nak selyaqye, yaqwayam sa' kóllánekxak eyeyméxchexa enxoho chá'a m'a tegma appagkanamap.

2 Reyes 12:4 ပူးပေါင်းရင်းမြစ်များ

1 Reyes 3:2

Apkelnapmeyk axta chá'a aqsok apnaqtósso énxet'ák ma'a egkexe kélpeykessamókxa axta chá'a kéleykmássesso, hakte axta elánamákpok makham ma'a Wesse' egegkok tegma appagkanamap apagkok.

1 Reyes 3:3

Apchásekhayók axta Wesse' egegkok ma'a Salomón, apkeláneyak axta han ma'a segánamakxa appekkencháseykekxa axta m'a apyáp, David, cham'a apkelnapmakxa axta chá'a aqsok apnaqtósso m'a egkexe néten nak, tén han apwatnamakxa axta chá'a aqsok ekmátsa nak ekpaqneyam éten agkok,

1 Reyes 7:1

Apkeláneyak axta Salomón tegma apyawe apagkok apagko', trece apyeyam axta weykmok appenchessama apkelane apyókxoho.

2 Reyes 12:18

Keñe m'a Joás, wesse' apwányam nak Judá, apkelmoma m'a ekyókxoho aqsok élpagkanamaxche', apkelpagkanchesso axta chá'a yaqwayam kólpeykeshok Wesse' egegkok ma'a kelwesse'e apkelwányam axta, cham'a Josafat, Joram tén han Ocozías, apyapmeyk nanók axta m'a apchókxa Judá; apkelmeyk axta han ma'a apkelmésso apagko' axta, tén han ma'a ekyókxoho sawo élyátekto élmomnáwa apkelwete axta m'a kélxátamakxa nak aqsok élmomnáwa m'a tegma appagkanamap, keñe han ma'a wesse' apwányam apxagkok apyawe nak, apkeláphássessek axta Hazael xa ekyókxoho nak, keñe axta apkelwátesa apketámeyak ma'a Jerusalén.

2 Reyes 14:4

axta kólmassésseykmok ma'a kélpeykessamókxa axta chá'a aqsok kéleykmássesso, cham'a apkelméssamakxa nak makham aqsok apkelnapma m'a énxet'ák, tén han apkelwatnamakxa nak makham aqsok ekmátsa nak ekpaqneyam éten agkok.

2 Reyes 15:4

Axta eyke kólmassésseykmok ma'a kélpeykessamókxa axta chá'a aqsok kéleykmássesso, apkelméssamakxa nak makham aqsok apkelnapma m'a énxet'ák, tén han apkelwatnamakxa nak makham aqsok ekmátsa nak ekpaqneyam éten agkok.

2 Reyes 16:4

Apkelnapmeyk axta han chá'a aqsok kélnaqtósso, apkelwatnegkek axta han chá'a aqsok ekmátsa nak ekpaqneyam éten agkok ma'a néten kélpeykessamókxa nak chá'a kéleykmássesso, cham'a néten egkexe nak, keñe han kóneg ekyókxoho yenta'a élyentaxno nak pessesse agkok.

2 Reyes 17:11

apkelyetlókassegkek axta m'a apkeltémakxa axta énxet'ák, apkelántekkessama axta Wesse' egegkok apmonye'e, apkelwatnegkek axta chá'a m'a aqsok ekmátsa nak ekpaqneyam éten agkok, apkeláneykegkek axta han chá'a apkeltémakxa élmasagcha'a aplókassama m'a Wesse' egegkok.

2 Reyes 22:4

—Ey'ókxa sa' Hilquías, apteme nak apkemha apmonye' apkelmaxnéssesso Dios énxet'ák apagkok, yána sa' yánchásekxak selyaqye kélseykekxa nak chá'a m'a Wesse' egegkok tegma appagkanamap apagkok, tén han apcháncheseykha nak apkeltaqmelchesso átog ma'a nepyeseksa énxet'ák,

1 Crónicas 18:11

Apkelpagkanchessegkek axta David ekyókxoho Wesse' egegkok xa aqsok nak, yetlo m'a sawo ekyátekto ekmomnáwa, tén han sawo ekmope ekmomnáwa, ektáha axta apkelyementaméyak ma'a pók aptémakxa énxet'ák, cham'a énxet'ák Edom, Moab, amonitas, filisteos tén han ma'a amalecitas.

1 Crónicas 29:17

Dios ahagkok, ekya'ásegkók ko'o apteme apkelányo chá'a egwáxok, tén han apchásekhayo m'a ekpéwomo nentémakxa. Cháxa keñamak sélmésa nak xép ekyókxoho s'e aqsok nak yetlo eyáxñeyo ewáxok. Payhékxeyk kaxwók ewáxok sekwet'a énxet'ák apagkok apchaqnákxo nak se'e, apkelmésa chá'a aqsok apkelmésso naqsa yetlo melmeyágweykekxa.

2 Crónicas 15:18

apxátaweykekxeyk axta ekyókxoho sawo élyátekto élmomnáwa tén han sawo élmope élmomnáwa m'a Dios tegma appagkanamap apagkok, apkelpagkanchesso axta chá'a Wesse' egegkok ma'a, tén han ma'a apyáp axta.

2 Crónicas 31:12

kélxatmeyk axta ekyókxoho aqsok kélseykekxa axta m'a, ekwayam nak chá'a diez ekyókxoho, kélmésso axta kélpagkanchesso m'a Wesse' egegkok. Conanías axta kéltemessásak apkeltaqmelchesso xa ekyókxoho nak, apteme axta levita, yetlo apyáxeg Simí, apyaqmagkáseyak axta chá'a aptamheykha.

2 Crónicas 35:2

Apkeltennássek axta chá'a yaqwánxa eltemeykha m'a apkelmaxnéssesso Dios énxet'ák apagkok, apkelwasqakkásekxók axta chá'a apkeltamho elanagkok apkeltamheykha m'a Wesse' egegkok tegma appagkanamap apagkok.

Esdras 1:6

Appasmeyk axta chá'a m'a apyókxoho apheykha nak chá'a ketók apxanák, apkelméságko chá'a m'a sawo' élmope élmomnáwa, tén han sawo' élyátekto élmomnáwa, tén han ma'a aqsok apagkok ekyetnakxa enxoho, tén han apnaqtósso, tén han ma'a aqsok élmomnáwa nak, tén han ma'a ekyókxoho mók ektémakxa nak chá'a aqsok apkelmésso naqsa, ekxeyenma agko' nak chá'a apkelwáxok elmések.

Esdras 2:69

Apkelméssek axta han cuatrocientos ochenta y ocho kilos sawo ekyátekto ekmomnáwa, keñe dos mil setecientos cincuenta kilos ma'a sawo ekmope ekmomnáwa nak, keñe cien apkelántaxno apkelwenaqte nak ma'a apkelmaxnéssesso Dios énxet'ák apagkok, yaqwayam enxoho kólpasmok kélláneykekxa tegma, ekyetnakxa enxoho chá'a xama énxet.

Esdras 7:16

tén han ma'a ekyókxoho sawo ekmope élmomnáwa, tén han sawo ekyátekto élmomnáwa, ekwánxa enxoho apcháncheseykekxa s'e ekyókxoho yókxexma nak Babilonia, tén han ma'a apkelmésso naqsa nak chá'a m'a énxet'ák, tén han ekxeyenma agko' nak chá'a apkelwáxok elmések Dios tegma appagkanamap apagkok ma'a apkelmaxnéssesso Dios énxet'ák apagkok, apyetnama nak ma'a Jerusalén.

Éxodo 35:22

Apkelxegakmek axta énxet tén han kelán'a, apkelsókmek axta apyókxoho apmáheyo apagko' nak chá'a egkések tén han ekmáheyo agko' nak chá'a apwáxok egkések ma'a yánsóketáma', kélatchesso kélaphék, sawo élyaqye, kélchenméhe sawo ekyátekto ekmomnáwa, tén han ma'a ekyókxoho mók ektémakxa nak chá'a aqsok étkók éltaqmalma sawo ekyátekto élmomnáwa. Xama xama axta chá'a apsókmok ma'a aqsok apmésso naqsa apagkok ektaqmalma sawo ekyátekto ekmomnáwa, apkelmésso chá'a m'a Wesse' egegkok.

Éxodo 35:29

Apkelsántegkessek axta aqsok apmésso naqsa apagkok ekxeyenma agko' nak chá'a apkelwáxok yaqwayam egkések Wesse' egegkok ma'a apyókxoho israelitas ekweykekxoho m'a kelán'ák, cham'a apmáheyo axta chá'a epasmok apkelánéyák ma'a aqsok apkeltémo axta elának Wesse' egegkok ma'a Moisés.

Éxodo 35:5

Kólánchesha sa' kélnepyeseksa kéxegke aqsok kélmésso naqsa kélagkok yaqwayam kólmések ma'a Wesse' egegkok. Sawo ekyátekto ekmomnáwa, tén han sawo ekmope ekmomnáwa, tén han sawo ekyexwase sa' nahan chá'a esanták apyókxoho m'a ektáhakxa nak chá'a apmáheyo apagko' egkések aqsok apmésso naqsa m'a Wesse' egegkok, tén han ma'a ekxeyenma agko' nak chá'a apwáxok egkések,

Éxodo 36:3

Apkelméssek axta Moisés aqsok kélmésso naqsa apkelseykenta axta m'a israelitas, yaqwayam enxoho yeynhok kaxwo' apkelánéyák ma'a eyéméxchexa nak chá'a aqsok yaqwayam kólmaha m'a kélpakxanma appagkanamap. Apkelsánteyk axta aqsa chá'a makham yókxoho ekhem aqsok apmésso naqsa apagkok ekxeyenma agko' nak chá'a apwáxok elsanták ma'a israelitas.

Levítico 27:31

Peyk agkok emekxak xama énxet xa xama ekwayam nak diez, eyánmagkasek sa' chá'a m'a ekwánxa enxoho chá'a ekyánmaga, yetlo ketsék néten.