2 Reyes 10:16 - Biblia Enxet

¹⁶ axta aptáhak apcháneya: —Hétlógma sa', étak sa' ektémakxa sélmeyeykha ko'o m'a Wesse' egegkok. Cháxa ektáhakxa axta apkenátchesa yátnáxeg apyenyawasso apagkok.

2 Reyes 10:16 ပူးပေါင်းရင်းမြစ်များ

1 Reyes 19:10

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 19:14

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 19:17

Jehú sa' chá'a yaqhek ma'a énxet ektáha enxoho apkegketeykekxa m'a Hazael, keñe sa' Eliseo yaqhek chá'a m'a énxet ektáha enxoho apkegketeykekxa m'a Jehú.

2 Reyes 10:17

Xama axta aptaxna m'a Samaria, apkelnapchek axta Jehú apyókxoho m'a Ahab axta aptawán'ák neptámen, apkeleymomap axta meletsapma. Apsawhawók axta apmasséssekmo apyókxoho, ekhawo aptémakxa axta apkeltennasso Wesse' egegkok katnehek ma'a Elías.

2 Reyes 10:31

Axta han keytnakhassamók apwáxok Jehú elának meyke apyensayam ma'a Wesse' egegkok segánamakxa apagkok, cham'a Dios nak Israel, hakte axta elwátesseykmok apkelane m'a mey'assáxma, aptémakxa axta m'a Jeroboam apkelánéseykegko axta melya'assáxma m'a israelitas.

Proverbios 27:2

Asagkek xép kataqmalmakha chá'a appeywa exénakpekxohok apagko'; yoho aqsa chá'a pók énxet'ák kataqmalmakha apkelpeywa exének xép.

Ezequiel 33:31

Keñe elxegmak chá'a m'a énxet'ák ahagkok, elhak chá'a apmonye' exchep, ekhawo m'a aptamheykegkaxal'a chá'a, yaqwayam yeyxhok ma'a appeywa. Makke eláneykegkok chá'a m'a. Elwehenagkohok aqsa chá'a, máxa etnéssesek ma'a ektémól'a xama negmeneykmasso ekmátsal'a ageyxho', selyaqye aqsa chá'a kelxéneykha apkelwáxok ma'a.

Números 23:4

apxekmowásekpexa axta m'a Dios. Aptáhak axta apcháneya Balaam se'e: Élanak xeyk ko'o siete élwatnamáxchexa aqsok, ekpekkenchek nahan chá'a xama xama weyke étkok kennawo', tén han xama nepkések apkennawo' sélwatno m'a néten nak.