1 Samuel 8:9 - Biblia Enxet

⁹ Elyahakxoho aqsa m'a aptáhakxa enxoho apkelmaxneyeykha; eltennés sa' eyke sekxo', háxko sa' aptémakxa m'a wesse' apwányam peya nak etnehek apkemha apmonye' apkeltaqmelchesso.”

1 Samuel 8:9 ပူးပေါင်းရင်းမြစ်များ

Jeremías 11:7

Xama axta ko'o sélántekkessama kélyapmeyk nano' axta kéxegke m'a Egipto, ektaqmelchessamók axta sélpaqhetchesso séltémo hélyahakxohok ko'o, makhemek eyke makham sélpaqhetchesso s'e negwánxa nak eyeynamo m'a sekxók axta sélántekkessama.

Ezequiel 3:18

Ekxénchek agkok ko'o yetsapok xama énxet ekmaso nak aptémakxa; agkok epaqhetchásak xép xa énxet ekmaso nak aptémakxa, tén han mepaqhetchesa enxoho yának eyenyekxak apkelane m'a aptémakxa ekmaso, yaqwayam enxoho elenxanmagkohok apweynchámeykha, yetsapok sa' yetlo mey'assáxma xa énxet nak, keñe sa' ko'o axének xép ektáha apsexnenagko apketsapma.

Ezequiel 46:18

Mopwanchek nahan émentagwók aqsa ektáhakxa enxoho xapop apagkok énxet ma'a wesse' apkeláneykha nak apchókxa. Apkelméssek agkok chá'a apketchek ma'a aqsok apkeltaqmelchessesso nak yaqwayam elmeyásekxa', tásek elmések chá'a m'a ektáhakxa nak chá'a xapop apagkok; keñe sa' méko xama énxet enxoho etnehek meyke nak xapop apagkok, megyexpaqnaha sa' nahan ma'a énxet'ák ahagkok.”

1 Samuel 10:25

Yetlókok axta han apkeltennasso énxet'ák wesse' apwányam segánamakxa apagkok ma'a Samuel, aptáxéssek axta xama weykcha'áhak appekkenwokmo m'a nápaqtók Wesse' egegkok. Keñe axta Samuel apkeláphasa eltaqhekxak apyókxoho apxanák.

1 Samuel 12:1

Aptáhak axta Samuel apkeláneya apyókxoho énxet'ák Israel: —Éláneyak ko'o ekyókxoho m'a sélmaxneyeykha axta chá'a, ekméssegkek xama wesse' apwányam kélagkok.

1 Samuel 14:52

Asagkók axta kempakhakma, apkempakhamakpo axta m'a filisteos, apyennaqtamakxa axta m'a Saúl; axta keñamak Saúl apwet'a enxoho chá'a énxet apyennaqte, megyeye emhagkok eyesagkexa', etnéssesek chá'a sẽlpextétamo apagkok.

1 Samuel 2:13

tén han apkelánémakpexa axta chá'a etnahagkok apkelmaxnéssesso Dios énxet'ák apagkok, nápaqta'awók ma'a énxet'ák; apméssek axta agkok chá'a xama énxet aqsok apchaqhe, ewakxak axta chá'a apkelmaxnéssesso Dios énxet'ák apagkok apchásenneykha, yetlo apmeykha kelyetxaqxo apto, neyseksa ekhánamáxche ápetek axta chá'a

1 Samuel 8:8

Nanók setnéssessamakxa ko'o apteméssesakxa nak xép ma'a énxet'ák nak, eyeynmo m'a sekxók axta sélántekkessama Egipto, ekwokmoho makham se'e kaxwo' nak, eyamasmeyk apmáheyo elpeykeshok ma'a mók aqsok kéláyókxa nak.