1 Samuel 8:7 - Biblia Enxet

⁷ tén axta aptáha apchátegmowágko Wesse' egegkok se'e: “Etne sa' aqsa m'a ektáhakxa enxoho apkelmaxneyeykha énxet'ák, háwe eyke exchep kélyetnakhasso, ko'o eyke, yaqwayam matnehek chá'a Wesse' apwányam nepyeseksa.

1 Samuel 8:7 ပူးပေါင်းရင်းမြစ်များ

Éxodo 16:8

Tén axta Moisés aptáha appeywa s'e: —Taxnám sa' elmésagkok kéxegke Wesse' egegkok ápetek yaqwayam kóltawagkok, tén sa' ma'a saka elmésagkok kelpasmaga apxámokma apagko', hakte aplegayak chá'a ektémakxa kéxegke kélxéneykha ekmaso. Negko'o eyke kaqhok hẽlxénmakha. Mehẽlxénaha nahan chá'a negko'o ekmaso kéxegke, akke kélxénaha chá'a ekmaso m'a Wesse' egegkok.

Isaías 66:4

Alyéssesha sa' eyke ko'o xa apkellegeykegkoho yaqwayam almések ma'a, wáphássesek sa' ma'a aqsok apkeláyo apagko' nak chá'a. Hakte élwóneykha axta eykhe, keñe méko seyátegmoweykegko, élpaqhetchessegkek axta eykhe keñe méko xama seháxenmo; apkeláneykegkek axta aqsa m'a aqsok mamámenyého nak ko'o, apkelyéseykha axta m'a megkaleklamakxa nak ko'o ewáxok.”

Jeremías 34:14

ekwokmo enxoho chá'a siete apyeyam, ekxeykxak ma'a hebreo kélyamasma axta chá'a kélmésso ekha ekyánmaga m'a, tén han ekwokmo enxoho chá'a seis apyeyam apkeltemessáseykha. Axta eyke ko'o heháxenmók ma'a kélyapmeyk nano' axta, axta nahan hélyeheykekxoho'.

Ezequiel 2:3

élenxanakmoho ektáha seyáneya xa kélpeywa nak: “Wáphaksek sa' ko'o exchep ma'a apheykegkaxa nak énxet'ák Israel, cham'a énxet'ák meyke nak apkelyeheykekxoho, sénmexeykekxo nak ko'o. Cháxa énxet'ák nak, weykmók ko'o setaqnagko s'e negwánxa nak, ekweykekxoho m'a apyapmeyk nano' axta.

Ezequiel 3:7

Keñe m'a énxet'ák Israel megkalyaqwomagkehek sa' elyahakxohok xeyep, hakte megkalyaqwámeykegkok ko'o hélyahakxohok ma'a. Kalyéha'ak apkelwáxok ma'a apyókxoho énxet'ák Israel, megyeyxók nahan amya'a.

Números 22:20

Apxekmowáseykpók axta makham Dios axta'a m'a Balaam. Aptáhak axta apcháneya s'e: —Apya'awak xép xa énxet'ák nak, exatakha', elyetlakxa sa', sa' eyke chá'a elának wánxa m'a séltamhókxa enxoho chá'a ko'o elána'.

Jueces 8:23

Aptáhak axta apchátegmowágko Gedeón: —Mantéhek sa' negko'o apkelámha apmonye'e kélagkok kéxegke. Wesse' egegkok sa' etnehek wesse' kélagkok.

1 Samuel 10:19

Keñe kaxwók kéxegke kélyenyawa m'a Dios kélagkok, apkelmallahanchesso axta ekyókxoho ekmaso kélheykha, tén han kéllegeykegkoho, kélyamasmeyk kéltémo exek xama wesse' apwányam kélagkok yaqwayam etnehek apkemha apmonye' apkeltaqmelchesso. Kólchaqnágwata kaxwók nápaqtók Wesse' egegkok, ektáhakxa nak chá'a énxet'ák kélagkok, tén han kélnámakkok kélagko'.

1 Samuel 12:1

Aptáhak axta Samuel apkeláneya apyókxoho énxet'ák Israel: —Éláneyak ko'o ekyókxoho m'a sélmaxneyeykha axta chá'a, ekméssegkek xama wesse' apwányam kélagkok.

1 Samuel 12:12

Xama axta kélweteya kéxegke apmáheyo ektámegmak ma'a Nahas, wesse' apwányam apagkok axta amonitas, keñe axta kéltémo alyéssesha ko'o xama wesse' apwányam yaqwayam etnehek apkemha apmonye' apkeltaqmelchesso, aptáhakxoho eykhe wesse' apwányam kélagkok ma'a Dios Wesse' kélagkok.

1 Samuel 8:22

keñe axta aptáha apchátegmowágko Wesse' egegkok: —Elyahakxoho sa' aqsa ektáhakxa apkelmaxneyeykha, elyésha sa' xama wesse' apwányam. Tén axta Samuel apkeltamho eltaqhekxak ma'a énxet'ák Israel, xama xama chá'a m'a tegma apwányam apkeñamakxa nak.

1 Samuel 8:8

Nanók setnéssessamakxa ko'o apteméssesakxa nak xép ma'a énxet'ák nak, eyeynmo m'a sekxók axta sélántekkessama Egipto, ekwokmoho makham se'e kaxwo' nak, eyamasmeyk apmáheyo elpeykeshok ma'a mók aqsok kéláyókxa nak.