1 Samuel 7:8 - Biblia Enxet

⁸ keñe axta kéltáha kéláneya Samuel se'e: “Ná elwátéssem aqsa sẽlmaxnéssesso negko'o Dios Wesse' egegkok, yaqwayam enxoho hẽlwagkasek teyp, neyseksa apmáheyo hegketámegmak ma'a filisteos.”

1 Samuel 7:8 ပူးပေါင်းရင်းမြစ်များ

Isaías 37:4

Eñoho annal'a Dios Wesse' apagkok appeywa m'a sẽlpextétamo apwesse' apcháphasso nak wesse' apagkok, cham'a wesse' apwányam nak Asiria, yaqwayam enxoho ewanyaha m'a Dios megyetsapma nak, eñássesagkoho annal'a aplege apagko' enxoho aqsok apxeyenma m'a Dios Wesse' apagkok nak. Elmaxnésses sa' ma'a apkeleymomap nak meletsapma.”

Isaías 62:1

Mawanmeyha sa' aqsa ko'o eñama sélásekhayo kéxegke énxet'ák Sión; mallókassemek sa' ko'o sekyampe eñama sélásekhayo kéxegke, énxet'ák Jerusalén, ekwokmoho ektepa m'a kéltémakxa ekpéwomo ektémól'a katyapok ma'a ekhem, tén han ekwokmoho eyápogwata m'a kélwagkásamáxche teyp ektémól'a m'a táxa eyáléweykhal'a naw'a yántápak.

Jeremías 27:18

Naqsók agkok aptamhéyak apkellegasso sekpeywa, tén han sélpaqhetchessama chá'a ko'o, tásek hélmaxnak chá'a ko'o, sekteme nak Wesse' ekha sekyennaqte, magwohok ko'o kólsakxak Babilonia m'a aqsok kélmeykegkaxa éleymomáxche nak ma'a tegma appagkanamap, tén han ma'a wesse' apwányam Judá apxagkok nak, tén han ma'a Jerusalén.’

Jeremías 42:2

ma'a Dios appeywa aplegasso Jeremías, axta aptáhak apcháneya s'e: —Peyk negko'o exchep ólmaxnak xama aqsok; hẽlyahakxoho sa': Hẽlmaxnésses negko'o Dios Wesse' apagkok, néleymomáxche nak egqántawo'. Nenxámók axta eykhe negko'o, egqántawók eyke kaxwók néleymomáxche', ekhawo ektémakxa nak xép apwet'a.