1 Samuel 7:6 - Biblia Enxet

⁶ Apchaqnákxeyk axta israelitas ma'a Mispá, apkelyekweygkek axta han chá'a yegmen ma'a, keñe axta apkelyegkena apteméssesa apmésso naqsa m'a Wesse' egegkok. Cháxa ekhem metókagkaxa axta han aptéyak, apkelxénágkek axta han apkeláneykegko melya'assáxma nápaqtók Wesse' egegkok. Cha'a aptáhakxa axta han apkemha apmonye' apagkok israelitas ma'a Samuel, tén han apkelánésakxo apheykha m'a, cham'a Mispá.

1 Samuel 7:6 ပူးပေါင်းရင်းမြစ်များ

Génesis 31:49

Mispá axta han kélteméssessók mók ekwesey, hakte axta aptáhak Labán se'e: —Wesse' egegkok sa' henlanha s'e egqánet nak, cham'a magweteykekxo enxoho egmók,

2 Samuel 14:14

Negyókxoho sa' agmaskok; máxa negko'o m'a yegmen kélyegkenmal'a náxop, megkólmowánal'a kólmekxak makham. Megyaqhehek Dios xama énxet enxoho, eltamhok aqsa makham épetchegwaták ma'a aphayam nak mók nekha'.

1 Reyes 8:47

xénwokmek sa' agkok apkelwáxok elyo'ótak makham xép neyseksa apheykha m'a yókxexma kélya'assamakxa axta, apwónéncha'a enxoho tén han apkelya'ásegwokmo enxoho apkeláneyak melya'assáxma, tén han apkeláneyak apkeltémakxa ekmaso,

1 Crónicas 11:18

Keñe axta apqántánxo apkelyennaqte apkelántaxnegwokmo m'a apkelpakxeneykegkaxa axta filisteos, apyekwokmek axta yegmen ma'a yámelchet ekyetnamakxa axta m'a nentaxnamakxa nak Belén, apsákxéssek axta m'a David. Axta eyke emakók ének, apyegkenchek axta aqsa apteméssesa apmésso naqsa Wesse' egegkok,

2 Crónicas 20:3

Apkekak axta m'a Josafat, keñe ekxéna apwáxok ektamok Wesse' egegkok. Tén axta apkeltamho metawagkehek aptéyak ma'a apyókxoho énxet'ák apheykha nak Judá,

Nehemías 9:27

Cháxa keñamak apchahayo axta apkelmoma m'a apkelenmexma, cham'a apnaqtawáseykegkoho axta. Keñe axta natámen apkeltémo epasmok xép apkelweteya ektémakxa ekyentaxno apheykha, apháxenmok axta han xép ma'a aphakxa nak néten, eñama ekyawe agko' apkelásekhayo; apkelméssegkek axta énxet'ák yaqwayam elyementemekxak ma'a ektáha axta apnaqtawáseykegkoho.

Job 16:20

apmopwána nak exének nápaqtók Dios ma'a ektémakxa élchetámeykha ewáxok, yaqwayam enxoho étak ektémakxa sélekxagweykha m'a;

Job 3:24

Sélekxagweykha tamheykekxak ma'a sekto nak; seklegeykegkoho ekmáske tamheykekxak ma'a sekya nak.

Job 33:27

Sa' etnehek se'e: “Éláneyak ko'o may'assáxma, éláneyak han ma'a megkapayhawo nak antéhek, makke emáheyók heñássesagkohok ma'a Dios;

Job 42:6

Cháxa keñamak sekmegqágwokmo nak ko'o eñama m'a sektémakxa axta chá'a sekpeywa, tén han sekhama náxop tén han neyseksa táhap.

Salmos 106:6

Nenláneykegkek negko'o mólya'assáxma, neghawók ma'a ẽlyapmeyk nano' axta; nennaqtawásamáxche'; nenláneykegkek aqsok ekmaso.

Salmos 119:136

Kelpexyaweykenteyk ko'o ahaqta'ák égmenek sélekxagweykha, hakte megkóláyók ma'a nélxekmowásamáxche apagkok nak.

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 6:6

Eyélaqtéssek ko'o m'a sélekxagweykha. Yókxoho axta'a sélekxagweykha, yássessegkek ahaqta'ák égmen'ák ma'a sekteyáyam nak.

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Jeremías 31:19

Ekyamasmeyk axta ko'o exchep, chaqhak eyke kaxwók ewáxok ma'a sektémakxa; ekya'ásegwákxók ekyetna may'assáxma, ektekpagáha egkenyek; ekmegqágweykxók ahagko', may'ásegkok sektáhakxa eñama m'a may'assáxma sélane axta sektémakxa wokma'ák.’

Jeremías 36:9

Kéltamhók axta metawagkehek aptéyak nápaqtók Wesse' egegkok apheykha nak Jerusalén tén han ma'a apkelwe axta apkeleñama m'a pók tegma apkelyawe nak Judá, cham'a ekweykmo axta cinco apyeyam nueve pelten apteme Wesse' apwányam Joaquim ma'a Judá, Josías axta apketche.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Lamentaciones 3:49

Kelpexyaweykenteyk ahaqtek égmenek meyke néxa, hakte móteyagwomek setaqmelchesseyam

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Ezequiel 20:4

Tásek elyekpelkohok apagko' xeyep apkeltémakxa, aptáha nak énxet; elyekpelkoho, yána elyekpelchágwók ma'a aqsok ekmaso agko', apkelánéyak axta chá'a m'a apyapmeyk.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Joel 2:12

“Aptáhak makham segáneya Wesse' egegkok se'e: hélyo'óta ko'o yetlo ekmámenyého agko' kélwáxok. ¡Nágkóltaw kéltéyak, kólwehesha, kóllekxagwaha!”

Levítico 16:29

“Cháxa peya sa' katnehek kélánémaxchexa kóltéhek kéxegke xa megkamassegwayam: kéméxcheyk chá'a kéxegke megkóltawagkehek kéltéyak ekwákxo enxoho chá'a ekhem diez, pelten siete, megkóllanagkehek han chá'a xama enxoho m'a kéltamheykha, megkeyxek ma'a kélteme nak israelitas, tén han ma'a apkeleñama nak mók apkelókxa, apheykha nak kélnepyeseksa kéxegke,

Levítico 26:40

“Kólya'ásegwakxohok sa' eykhe kéxegke kéltémakxa ekmaso, tén han apkeltémakxa ekmaso axta m'a kélyapmeyk nano', tén han ma'a kélyenseyam nak sélyetleykha, tén han sélenmexeykekxa chá'a ko'o,

Josué 18:26

Mispá, Quefirá, Mosá,

Jueces 10:10

Keñe axta apkeltamho epasmok Wesse' egegkok. Aptáhak axta apcháneya s'e: “Dios egagkok, nenláneykegkek negko'o mólya'assáxma nénmexeykekxo exchep, negyamasmeyk nélpeykessamo m'a aqsok kéláyókxa élmowancha'a amya'a nak.”

Jueces 10:15

Keñe axta israelitas aptáha apkelátegmowágkokxo Wesse' egegkok se'e: “¡Nenláneykegkek negko'o mólya'assáxma! Hentemésses negko'o ekxénakxa enxoho apwáxok henteméssesek, ¡eyke hẽlwagkas negko'o teyp se'e kaxwo' nak!”

Jueces 2:4

Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

Jueces 20:26

Keñe axta apyókxoho sẽlpextétamo Israel tén han apyókxoho énxet'ák, apkelmeyákxo m'a Betel, peya ellekxagwaha nápaqtók Wesse' egegkok. Axta etókagkok aptéyak xa xama ekhem nak, apkelméssek axta Wesse' egegkok aqsok apkelwatno, tén han aqsok apkelnapma segwetassamo nak nélásekhamaxchekxoho.

Jueces 3:10

aptaxnegwa'ak axta han apwáxok Wesse' egegkok espíritu apagkok ma'a Otoniel, cha'a aptáha axta han apkemha apmonye' apyennaqte apagkok ma'a israelitas; apkelmallanchek axta neyseksa kempakhakma, apkelwagkassek axta teyp ma'a Wesse' egegkok neyseksa apkelma m'a Cusán-risataim.

1 Samuel 1:15

—Meheyaqhak ko'o anmen —axta entáhak eyátegmowágko Ana—. Meynak ko'o vino, tén han ma'a anmen ekyennaqte nak, wánxa ko'o seyapa m'a ekyentaxno agko' setnahakxa', éltennássek ko'o nápaqtók Wesse' egegkok ma'a ektémakxa nak seklegeykegkoho.

1 Samuel 10:17

Keñe axta Samuel apkeláneyáncha'a m'a énxet'ák Israel, yaqwayam elpeykeshok Dios ma'a yókxexma Mispá;

1 Samuel 12:10

Tén axta apkelya'ásegweykmo apkeláneykegko melya'assáxma nápaqtók Wesse' egegkok, apkelyamasma apkelpeykessamo m'a mók ektémakxa nak chá'a kéleykmássesso Baal, tén han Astarté, keñe axta apkelwóneykencha'a apkeltémo elwagkasek teyp neyseksa apkelma apkelenmexma, apkelxeyenma elpeykeshok wánxa m'a Wesse' egegkok.

1 Samuel 7:15

Aptemegkek axta apkemha apmonye' Samuel ma'a Israel ekwokmoho apketsapa.