1 Samuel 7:5 - Biblia Enxet

⁵ Tén axta Samuel aptáha apkeláneya s'e: “Kólánchásekxa sa' apyókxoho Israel ma'a Mispá, keñe sa' ko'o almaxnéssesek kéxegke Wesse' egegkok.”

1 Samuel 7:5 ပူးပေါင်းရင်းမြစ်များ

Génesis 20:7

Egkeyásekxa sa' kaxwók aptáwa' xa énxet nak, hakte aplegasso sekpeywa ko'o xa, elmaxnéssesek sa' han xép yaqwayam eweynchamha chá'a; sa' agkok egkeyásekxak xa, yetsapok sa' xép, ekweykekxoho m'a aphawóxama apagko' nak.”

Génesis 31:49

Mispá axta han kélteméssessók mók ekwesey, hakte axta aptáhak Labán se'e: —Wesse' egegkok sa' henlanha s'e egqánet nak, cham'a magweteykekxo enxoho egmók,

2 Reyes 25:23

Xama axta apkelleg'a amya'a m'a sẽlpextétamo apkelámha apmonye'e nak Judá tén han ma'a énxet'ák apagkok, apkelmeyákxeyk axta m'a Mispá, yaqwayam elpaqhetchesakpohok ma'a Guedalías. Ismael axta m'a, Netanías axta apketche; tén han Johanán, Caréah axta apketche; tén han Seraías, Tanhúmet axta apketche, apkeñama axta Netofá; tén han Jaazanías, apketche axta xama énxet apkeñama axta Maacá. Apkelyetlókek axta han énxet'ák apagkok.

Nehemías 9:1

Apchaqnákxeyk axta israelitas ekhem veinticuatro cháxa pelten nak, yaqwayam metawagkehek aptéyak; apkelántaxneykxeyk axta apáwa sẽlwáxaqxamo, apkelexpaqha'ak axta han xapop ma'a apqatkok,

Jeremías 40:6

Apmeyákxeyk axta Jeremías ma'a Mispá aphakxa nak Guedalías, apheykekxeyk axta xamo' ma'a, yetlo m'a énxet'ák apkeleymomap axta m'a apchókxa nak.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Joel 2:16

kólánchásekxa Dios énxet'ák apagkok, kóllánekxés aptamhágkaxa; kólánchásekxa apkelwányam, tén han sakcha'áletkók, ekweykekxoho m'a sakcha'a keyetse megkalyamasma nak makham neme. ¡Ekweykekxoho han ma'a kaxwe élyamhápeyak nak, elántépok sa' ma'a kañe' nak apxanák!

Josué 15:38

Dileán, Mispá, Jocteel,

Josué 18:26

Mispá, Quefirá, Mosá,

Jueces 10:17

Apchaqnákxeyk axta amonitas, apkelpakxenwokmek axta m'a Galaad. Apchaqnákxeyk axta han israelitas, apkelpakxenwokmek axta m'a Mispá.

Jueces 20:1

Tén axta apyókxoho israelitas apchaqnákxo m'a Mispá, nápaqtók Wesse' egegkok, eyeynmo m'a Dan ekweykekxoho m'a Beerseba, keñe han ma'a Galaad, xama appasmeykekxa axta aptamhákxa'.

1 Samuel 10:17

Keñe axta Samuel apkeláneyáncha'a m'a énxet'ák Israel, yaqwayam elpeykeshok Dios ma'a yókxexma Mispá;

1 Samuel 12:17

Negwokmek apnakxamákpexa hótáhap apyexna, tén han megkamámeyeykxa', ¿naqsóya? Almaxnak sa' ko'o Wesse' egegkok, keñe sa' yáphaksek takha' tén han ekmámeye, yaqwayam sa' kólya'asagkohok kéxegke, tén han kólyekpelkohok eyesagko agko' kéltáhakxa kéxegke kélmaxneya xama wesse' apwányam kélagkok, nápaqtók Wesse' egegkok.”

1 Samuel 12:23

Ko'o han, malanyek sa' chá'a may'assáxma nápaqtók Wesse' egegkok, sélwátéssekmo sa' sélmaxnéssesso kéxegke. Awasqápekxohok sa' sélxekmósso yaqwayam enxoho kóllának chá'a kéxegke aqsok ektaqmela, tén han ma'a ekpayhawo nak chá'a kóltéhek.

1 Samuel 7:12

Keñe axta Samuel apma xama meteymog, apkenegkessek axta teyp Mispá halep nak Sen, apteméssessek axta han ekwesey Eben-ézer, hakte axta aptáhak se'e: “Empasmeyk makham negko'o Wesse' egegkok se'e negwánxa nak.”

1 Samuel 7:16

Yókxoho apyeyam axta chá'a apmeyeykekxa m'a Betel, Guilgal tén han ma'a Mispá, yaqwayam etaqmelchessásekxak chá'a apheykha énxet'ák Israel, cháxa ekyókxoho apheykegkaxa nak.

1 Samuel 7:4

Apkexakkek axta israelitas ma'a mók ektémakxa nak chá'a kéleykmássesso Baal, tén han Astarté, Wesse' egegkok axta aqsa chá'a apkelpeykásawo'.

1 Samuel 8:6

Axta kalchak apwáxok Samuel apkeltamho elyésha xama wesse' apwányam, yaqwayam etnehek apkemha apmonye' apkeltaqmelchesso. Yetlókok axta han apkelmaxnagko Wesse' egegkok;