1 Samuel 7:2 - Biblia Enxet

² Veinte apyeyam axta temék ekyeykhe, kélpekkenweykmo axta yántéseksek ma'a Quiriat-jearim, keñe m'a apyókxoho énxet'ák nak Israel, apkelchetamsamók apagko' axta m'a Wesse' egegkok.

1 Samuel 7:2 ပူးပေါင်းရင်းမြစ်များ

1 Crónicas 13:3

yaqwayam sa' hegwakxések ma'a yántéseksek apagkok nak Dios egagkok, hakte yetnegkek aqsa manlányo m'a, eyeynamo m'a aphakxa axta wesse' apwányam Saúl.”

1 Crónicas 13:5

Apchánchesákxeyk axta David apyókxoho énxet'ák Israel, eyeynókxa m'a yókxexma Sihor ektemegwánxa nak néxa xapop ma'a Egipto, ekweykekxoho m'a nentaxnamakxa nak Hamat, yaqwayam ewakxak ma'a yántéseksek apagkok nak Dios, ekyetnama nak Quiriat-jearim.

Jeremías 26:20

Keñe axta han ma'a Dios appeywa aplegasso Urías, Semaías axta apketche, apkeñama axta m'a tegma apwányam Quiriat-jearim, apkeltennassegkek axta han aptémakxa appeywa Wesse' egegkok apxeyenmakxa etnéssesek xa tegma apwányam nak, tén han ma'a apchókxa nak, ekhawo aptáhakxa axta m'a Jeremías.

Jeremías 3:13

Eyke kay'ásegwakxoho aqsa m'a ektémakxa ekmaso, tén han énmexeykekxo m'a Dios Wesse' agkok; ekweynchámeykencha'a chá'a ektegyeykencha'a énxet apkeleñama mók nekha yaqwayam kagkések ekyókxa, m'a kóneg nak yenta'a élyentaxno pessesse agkok, tén han megkalyeheykekxo m'a séltémókxa nak katnehek. Ko'o sekxeyenma xa, sektáha nak Wesse'.”

Jeremías 31:9

Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.

Josué 9:17

Tén axta apkelxega apkelchetama m'a gabaonitas, ántánxo ekhem axta entáhak apkelwokmo m'a tegma apkelyawe apagkok nak, cham'a Gabaón, Querifá, Beerot tén han ma'a Quiriat-jearim.

Jueces 2:4

Xama axta appenchesa apteme appeywa Wesse' egegkok apchásenneykha xa ektáha nak, axta eleyságkohok apkellekxagweyncha'a m'a apyókxoho israelitas.

1 Samuel 7:1

Yetlókok axta han apkelmahéyak ma'a apheykha nak Quiriat-jearim, apsákxeyk axta m'a Wesse' egegkok yántéseksek apagkok, apchaqxegkessákxeyk axta han ma'a Abinadab apxagkok, apyetnama axta m'a egkexe nak; keñe axta appagkana apketche apwesey axta Eleazar, yaqwayam etnehek aptaqmelchesso.

1 Samuel 7:3

Keñe axta Samuel aptáha apkeláneya m'a apyókxoho énxet'ák nak Israel: “Kélya'aweykxeyk sa' agkok kéxegke Wesse' egegkok, yetlo kélmésso ekweykmoho kañók agko' kélwáxok, kéméxcheyk kólchexák ma'a aqsok kéláyókxa éleñama nak mók nekha, keñe han ma'a kéleykmássesso nak Astarté, kólmés kélwáxok ma'a Wesse' egegkok, kólpeykesho wánxa m'a. Keñe sa' elwagkasek teyp neyseksa apkelma m'a filisteos.”