1 Samuel 7:12 - Biblia Enxet

¹² Keñe axta Samuel apma xama meteymog, apkenegkessek axta teyp Mispá halep nak Sen, apteméssessek axta han ekwesey Eben-ézer, hakte axta aptáhak se'e: “Empasmeyk makham negko'o Wesse' egegkok se'e negwánxa nak.”

1 Samuel 7:12 ပူးပေါင်းရင်းမြစ်များ

Génesis 22:14

Keñe axta natámen Abraham apteméssesa ekwesey yókxexma: “Wesse' egegkok apteme segmésso eyéméxchexa aqsok.” Cháxa kéltéma nak makham ekwesey s'e: “Egkexe Wesse' egegkok apteme segmésso eyéméxchexa aqsok.”

Génesis 35:14

apmeyk axta xama meteymog tén axta apkenegkesa, ektémól'a m'a xama meteymog kélchenegkessól'a, cham'a yókxexma appaqhetchesakxa axta Dios; keñe axta apteméssesa ekpagkanamaxche apkexpaqha'a m'a pexmok égmenek, tén han anmen yámet égmenek,

Salmos 71:17

Dios ahagkok, xép axta sélxekmósso eyeynamo m'a sektémakxa axta étkok, makhemek eyke makham ko'o sekxeyenma m'a aqsok élyawe apkelane nak.

Salmos 71:6

Nanók axta ko'o seyásenneykekxa exchep sekyetnamakxa axta kañe' méme awáxok. ¡Xép axta setekkesso! ¡Alteméssesek sa' chá'a ko'o exchep apcheymákpoho!

Éxodo 17:15

Apkelanak axta nahan Moisés xama ekwatnamáxchexa aqsok, cham'a apteméssesa axta nahan ekwesey: “Wesse' egegkok apteme bandera ahagkok séxanmól'a néten”,

Isaías 19:19

Keytek sa' xama ekwatnamáxchexa aqsok kéllánésso Wesse' egegkok kañe' Egipto xa ekhem nak, keñe sa' ma'a néxa xapop apagkok nak, kólchenegkesek xama meteymog ekxénweykekxoho chá'a kélwáxok ma'a Wesse' egegkok.

Josué 4:9

Keñe axta Josué apnegkenágko han mók doce meteymog ma'a neyseksa nak wátsam, cham'a apchaqnágkaxa axta m'a apkelmaxnéssesso nak Dios énxet'ák apagkok, ektáha axta appatmeykha m'a yántéseksek ekhémo mók nélpaqhetchásamáxkoho. Cháxa meteymog nak, makhemek makham ekhéyak ma'a.

1 Samuel 14:35

Apkelánessek axta han Saúl kélwatnéssamakxa chá'a aqsok ma'a Wesse' egegkok, apmonyók axta han apkelane xa ektéma nak.

1 Samuel 4:1

tén axta apkeltennáseykekxoho Samuel ma'a apyókxoho énxet'ák nak Israel. Apchaqnákxeyk axta han filisteos yaqwayam elnapakpok ma'a Israel, yetlókok axta han apkelánteyapma israelitas yaqwayam elenmexek ma'a filisteos, apkelpakxenwokmek axta han ma'a ekpayho nak Eben-ézer. Keñe axta filisteos apkelpakxenwa'a m'a Afec,

1 Samuel 5:1

Xama axta ekmomaxko Dios yántéseksek apagkok, apseykekxeyk axta filisteos eñama m'a Eben-ézer, apya'áseykekxo m'a Asdod;

1 Samuel 7:11

Yetlókok axta han apkelánteyapma israelitas ma'a Mispá, apkelamhágko m'a filisteos, apketámegkek axta ekweykmoho m'a teyp nak Bet-car.