1 Samuel 7:10 - Biblia Enxet

¹⁰ Axta han epenchásawok apkelane Samuel ma'a aqsok apwatno, apchágketchessa'a filisteos yaqwayam ektámegmak ma'a israelitas; keñe axta Wesse' egegkok apyenyénto éxtegyawà ekyennaqte agko' nepyeseksa, kelyegwakkassek axta, keñe axta apkenyahágko m'a filisteos.

1 Samuel 7:10 ပူးပေါင်းရင်းမြစ်များ

Salmos 18:15

Yáxña'akxoho axta tamheykekxak ma'a neysekso nak wátsam; negwetayók axta m'a awhak nak xapop, eñama Wesse' egegkok appeywa ekyennaqte agko', tén han apwátekhapma ekyennaqte.

Salmos 29:3

Kextegyókek appeywa Wesse' egegkok ma'a néten nak wátsam ekwányam; apkextegyawássek ma'a Dios apcheymákpoho: ¡apheyk Wesse' egegkok ma'a néten nak wátsam ekwányam!

Salmos 29:4

Kayhek éxtegyawà appeywa Wesse' egegkok, legáxkók ekyókxoho yókxexma;

Salmos 78:66

apkeltaqheyásawók axta apkelenmexma, apmenxenchek axta; ¡apkelmegqásawók apagko' axta meyke néxa!

Zacarías 4:6

Tén axta aptáha seyáneya s'e: “Keso Wesse' egegkok appeywa apcháphássesso m'a Zorobabel: ‘Nágyásenneykxa sẽlpextétamo, tén han apyennaqte, eyke m'a Espíritu ahagkok nak, axta aptáhak Wesse' egegkok ekha nak apyennaqte.

Deuteronomio 28:7

“Wesse' egegkok sa' elmések kéxegke yaqwayam kólmok kélenmexma m'a apketamokmo enxoho. Tásek sa' katnehek apkeléweykekxa elxegmak ey'áwak kéxegke, keñe sa' yexpaqnek yenyahagkok kélmonye'e kéxegke.

Josué 10:10

Wesse' egegkok axta apmeyásak ekyawe agko' apkelyegwakto amorreos apkelwet'a m'a énxet'ák nak Israel. Axta keñamak apkelnapa apxámokma apagko' énxet'ák Josué m'a Gabaón nak. Keñe axta apmenxena han ma'a ámay ekmahéyak nak Bet-horón. Apkelnápegkek axta amorreos ma'a ekweykmoho yókxexma nak Azecá tén han ma'a Maquedá.

Jueces 4:15

axta elya'assásegkok aptamhágkaxa Wesse' egegkok ma'a apkelchánte nak yátnáxeg apkelyenyawasso, tén han sẽlpextétamo apagkok axta m'a Sísara, apkelyegwakkásawók apagko' axta apkelnápekpo sókwenaqte m'a Barac; wokmók axta han aptepa yátnáxeg apyenyawasso apchánte m'a Sísara, keñe apkenyaha náxop.

Jueces 5:20

Wokmók axta han apkelnápomap yaw'a m'a Sísara, cham'a apheykegkaxa nak néten.

Jueces 5:8

“Yetneyk axta chá'a apkelyéseykha kaxwe aqsok apcháyókxa, neyseksa émpakhamaxche m'a nekha atña'ák nak tegma apwányam, méko axta eyke xama enxoho apmeykha apcháhakkásamap tén han sawhéwa nepyeseksa m'a cuarenta mil israelitas.

1 Samuel 12:17

Negwokmek apnakxamákpexa hótáhap apyexna, tén han megkamámeyeykxa', ¿naqsóya? Almaxnak sa' ko'o Wesse' egegkok, keñe sa' yáphaksek takha' tén han ekmámeye, yaqwayam sa' kólya'asagkohok kéxegke, tén han kólyekpelkohok eyesagko agko' kéltáhakxa kéxegke kélmaxneya xama wesse' apwányam kélagkok, nápaqtók Wesse' egegkok.”

1 Samuel 14:15

Apkelmeneygkók apagko' axta han apyókxoho apheykha axta m'a apkelpakxeneykegkaxa nak, tén han ma'a teyp apkelpakxeneykegkaxa nak. Apkelmeneygkók apagko' axta han ma'a sẽlpextétamo apheykha axta mók apkelpakxeneykegkaxa, tén han ma'a kempakhakma yapmeyk. Chaqhawók axta han ekyawheyncha'a xapop, kelyegweyxcheyk axta ekwányam agko'.

1 Samuel 2:10

Nápakha'a apketkók sa' etnessásekxak Wesse' egegkok ma'a apkelenmexma nak, néten sa' kañék eyenyenták éxtegyawà ekyennaqte nepyeseksa. Elyekpelhok sa' Wesse' egegkok apyókxoho apheykha nak keso nélwanmeygkaxa'; egkések sa' apmopwána m'a wesse' apwányam apkelyéseykha nak, eyánchessesagkohok sa' apmopwána.”

1 Samuel 7:11

Yetlókok axta han apkelánteyapma israelitas ma'a Mispá, apkelamhágko m'a filisteos, apketámegkek axta ekweykmoho m'a teyp nak Bet-car.