1 Samuel 6:2 - Biblia Enxet

² Apkeláneyáha axta filisteos ma'a apkelmaxnéssesso nak chá'a aqsok kéláyókxa énxet'ák agkok, tén han ma'a ekha nak apkelmopwancha'a. Aptáhak axta apkeláneya s'e: —¿Háxko sa' anteméssesek Dios yántéseksek apagkok? Hẽltennés hana, háxko antéhek agyensakxak makham ma'a ekyetnamakxa axta.

1 Samuel 6:2 ပူးပေါင်းရင်းမြစ်များ

Génesis 41:8

Keñe axta axto'o, yetnakha'awók agko' axta apwáxok, apkeltamhók axta elchexyók apyókxoho apkelyohóxma apagkok, tén han ekha nak apkelmopwancha'a, apheykha nak Egipto. Apkeltennáseyha axta ektáhakxa apwanmagko m'a faraón, méko axta eyke xama enxoho apkeltennáseykekxoho ektémakxa.

Éxodo 7:11

Apkeltamhók axta nahan kólnaqlósawakxések faraón ma'a énxet'ák apagkok apkelya'áseyak axta chá'a aqsok tén han ma'a apmopwancha'a axta chá'a etekkesek aqsok. Apkelánegkek axta han ekhémo m'a aqsok apkelánéyak, eñama m'a apkeltámésamap aptegyéyak apmopwancha'a.

Isaías 2:6

Wesse', apkexakhamchek xép énxet'ák apagkok, cham'a Jacob énxet'ák apagkok nak; hakte apxámok apagko' apchókxa m'a énxet'ák ekha nak apmopwancha'a, apkeleñama nak ma'a teyapmakxa ekhem, cham'a apkelyohóxma ektéma nak nepyeseksa m'a énxet'ák filisteos, apkelpasmomákpók nahan chá'a m'a énxet'ák megkatnaha nak apchókxa xamo'.

Daniel 2:2

Tén axta apkeltamho kólnaqlósawakxések ma'a apkelyohóxma, apkelya'áseykegkoho nak chá'a aqsok ekpowásamaxche', énxet ekha apmopwancha'a, yaqwayam enxoho elpékessásekxak xa ektémakxa nak apwanmagko. Apkelxegkek axta xa énxet'ák nak apchaqnágweykxo m'a nápaqtók wesse' apwányam,

Daniel 5:7

Tén axta apyennaqtésa appeywa apkelwónencha'a m'a apkelya'áseykegkoho nak chá'a aqsok ekpowásamáxche', tén han énxet ekha apmopwancha'a, tén han apwetayo nak chá'a aqsok yaqwánxa katnehek, apheykha nak Babilonia, aptáhak axta apkeláneya s'e: —Énxet ektáha enxoho apkelyetsete xa kéltáxésso nak, keñe han séltennasso enxoho ko'o ektémakxa ekpeywa, kóltaxneyásekxak sa' apáwa apmomnáwa hómáyok, kólnatmeyásekxak sa' han cadena sawo ekyátekto ekmomnáwa, exek sa' chá'a m'a ketók sekhamakxa nak ko'o, sektémakxa nak wesse' apwányam.

1 Samuel 5:8

Keñe axta kéltennássekxo apyókxoho apkelámha apmonye'e nak filisteos, apkeláneyáncha'a yaqnekxohok xamo' xa énxet'ák nak, axta kéltáhak kélmaxneyáncha'a s'e: —¿Háxko sa' anteméssesek Dios Israel nak yántéseksek apagkok? —Kólye'és sa' ma'a tegma apwányam nak Gat —axta aptáhak apkelátegmowágko xa énxet'ák nak. Apsókek axta han filisteos ma'a.

1 Samuel 6:1

Siete pelten axta ekyetnayam filisteos apchókxa m'a Wesse' egegkok yántéseksek apagkok.