1 Samuel 6:13 - Biblia Enxet

¹³ Xama axta apkelenmexawo m'a énxet'ák apheykha nak Bet-semes, apyaqtennágko axta hótáhap ma'a ekyapwátegweykenxa nak xapop, kelpayhékxók agko' axta apkelwáxok apkelwet'a m'a Wesse' egegkok nak yántéseksek apagkok.

1 Samuel 6:13 ပူးပေါင်းရင်းမြစ်များ

Josué 15:10

Axta meyeykenták néxa xapop ma'a ekpayho nak taxnegwánxa ekhem eñama m'a Baalá, ekweykekxoho m'a egkexe Seír, yeykhayak axta m'a Quesalón, teyp nak egkexe Jearim ekpayho nak nexcheyha, tén axta ekweyweykento ekweykekxoho m'a Bet-semes, yeykhayak axta m'a Timná,

1 Samuel 6:12

Keñe axta élxega weyke élpéwo m'a ámay ekmahéyak nak Bet-semes, kelpáwágkek axta aqsa, kelpéwók axta aqsa han élxega meyke élyetnakhágwayam. Apkelxegkek axta natámen ma'a apkelámha apmonye'e nak filisteos, ekweykmoho m'a eyeynókxa axta xapop Bet-semes.

1 Samuel 6:14

Xama axta ekwákxo weyke ekyenyawasso m'a yókxexma apagkok nak Josué, apha axta Bet-semes, yetnakmek axta. Yetnegkek axta han meteymog ekyawe agko' ma'a. Yántápak axta han aptemessásekxak énxet'ák Bet-semes ma'a yántéseksek agkok nak weyke ekyenyawasso, keñe axta weyke apkelwatnésa Wesse' egegkok.