1 Samuel 4:3 - Biblia Enxet

³ Xama axta apkelwákxo makham sẽlpextétamo israelitas ma'a apkelpakxeneykegkaxa axta, aptáhak axta apkeláneya apkelámha apmonye'e Israel se'e: “¿Yaqsa ektáha apcha'awo nak Wesse' egegkok segmenxena negko'o sakhem ma'a filisteos? ¡Agwakxak sa' Wesse' egegkok yántéseksek apagkok ma'a ekyetnama nak Siló, yaqwayam sa' exog negyeseksa negko'o m'a Wesse' egegkok, tén han hegmenxenchesek neyseksa apmáheyo hẽlmok nélenmexma!”

1 Samuel 4:3 ပူးပေါင်းရင်းမြစ်များ

2 Samuel 15:25

Keñe axta wesse' apwányam aptáha apcháneya Sadoc: —Esakxa makham tegma apwányam xa Dios yántéseksek apagkok nak, hakte taqmeláha agkok ko'o apwáxok sélano m'a Wesse' egegkok, yának makham ataqhoho', tén óteyekxak makham ma'a yántéseksek, tén han ma'a ekyetnamakxa nak chá'a.

1 Crónicas 17:1

Xama axta aphakmo David ma'a tegma apyawe apagkok, axta aptáhak apcháneya Natán, apteme axta Dios appeywa aplegasso: —Ekheyk ko'o kaxwók tegma apyawe apkelánamap nak yámet cedro, keñe yántéseksek ekhémo mók nélpaqhetchásamáxkoho apagkok nak Wesse' egegkok, ekyetnama aqsa m'a kóneg kélpakxanma.

Salmos 74:1

Oh Dios, ¿yaqsa ektéma segkexakhama apagko' nak? ¿Yaqsa ektéma apkeltaqnaweykegko nak xép ma'a nepkések apkelleykha nak yókxexma apagkok?

Salmos 74:11

¿Yaqsa ektáha memako nak hempasmok? ¿Yaqsa ektáha peya henlanha aqsa?

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Isaías 58:3

keñe etnehek chá'a elpaqmétek se'e: ‘kaqhok mantewek nento mehenlano enxoho m'a Dios, kaqhok óghaxchek ma'a megkaxéna enxoho apwáxok.’ Megkóleyxek eyke chá'a kéxegke kólyanmagkasaxchek ma'a ekwokmo enxoho ekhem mantamakxa nento, kólhak chá'a m'a kélásenneykha nak;

Isaías 59:1

Megkaweywenték apmopwána m'a Wesse' egegkok, apwanchek hegwagkasek teyp. Megkatnehek nahan meyke apeyk'ák eñohok ektemegweykmohóxma.

Isaías 59:2

Aqsok ekmaso kélláneyák akke keñamak kéxegke ekhaxtegkessama kélmonye'e m'a Dios; megkólya'assáxma keñamak melányo chá'a kéxegke m'a tén han megyaháxenmo chá'a kélpeywa.

Jeremías 3:16

Kélxámakxeyk sa' agkok kéxegke m'a apchókxa, apxámákxo enxoho m'a kélketchek, méko sa' kaxének kaxwók ma'a yántéseksek ekhémo mók nélpaqhetchásamáxkoho nak Wesse' egegkok, méko sa' kaxének kaxwók awáxok ma'a, tén han kaxénwakxohok chá'a awáxok, megkóllánekxeyk sa' han axnagkok, hakte kamaskok sa' kólámenyého'. Ekméssek ko'o sekpeywa, sektáha nak Wesse' kélagkok.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Números 10:33

Apkelántekkek axta apkeleñama m'a Wesse' egegkok egkexe apagkok nak, apkelxegkek axta ekweykmoho ántánxo ekhem. Amonye' axta nahan kélxegkásak ma'a Wesse' egegkok yántéseksek apagkok, ekhémo mók nélpaqhetchásamáxkoho nak, yaqwayam kalyahássesha yaqwánxa ellókassók apkelyampe.

Números 10:35

Xama axta emáwhok chá'a elxegekxak ma'a apkelseykha axta chá'a yántéseksek. Axta etnehek chá'a Moisés se'e: “¡Wesse' egegkok, exatakha'! ¡Yexpánches sa' ma'a apkelenmexma! ¡Yenyahagkok sa' apwet'a enxoho m'a aptaqnagko nak chá'a exchep!”

Números 31:6

Apkeláphássek axta Moisés kempakhakma yetlo apnaqleykha m'a Finees, apketche axta m'a apkelmaxnéssesso Dios énxet'ák apagkok Eleazar, apkelsawa axta m'a aqsok élpagkanamaxche, tén han ma'a kélaqkahasso nak, yaqwayam enxoho yaqkahaksek yának kampakhaxche'.

Deuteronomio 29:24

“Keñe sa' etnehek elmaxneyha apyókxoho énxet'ák se'e: ‘¿Yaqsa ektáha apteméssesa nak Wesse' egegkok xa apchókxa nak? ¿Yaqsa ektáha aplóko apagko' nak?’

Deuteronomio 31:26

“Kólma sa' se'e weykcha'áhak segánamakxa nak, kólpekken sa' nekha nak yántéseksek ekhémo mók nélpaqhetchásamáxkoho apagkok Dios Wesse' kélagkok, yaqwayam sa' keytek ma'a, katnehek magkenatchesso kéltémakxa nak chá'a kéxegke.

Josué 4:7

Keñe sa' kéxegke kóltéhek chá'a kólátegmowagkok se'e: ‘Cháxa ektáhakxa axta yántéseksek ekhémo mók nélpaqhetchásamáxkoho apagkok Wesse' egegkok ekyeyk'a m'a wátsam Jordán, mayhékxeyk axta neyseksa m'a yegmen ektamhákxo ánet nekhaw'ék, ekyetnakxa m'a yántéseksek. Keso meteymog nak yaqwayam katnehek ekpasmo m'a énxet'ák Israel, kaxénwakxohok sa' chá'a apkelwáxok ma'a ektáhakxa axta apkelmallana s'e.’”

Josué 6:6

Apkelwóneyha axta Josué m'a apkelmaxnéssesso Dios énxet'ák apagkok. Aptáhak axta apkeláneya: “Kólsaw sa' yántéseksek ekhémo mók nélpaqhetchásamáxkoho apagkok nak Wesse' egegkok, cháxa siete nak kéxegke, kólxeg sa' ma'a amonye' nak yántéseksek yetlo kélaqkahasso élánamáxche nak nepkések apkepetek.”

Josué 7:7

Keñe axta aptáha Josué s'e: —¡Wesse' egegkok! ¿Yaqsa ektáha apkeltamho axta elyeykhak énxet'ák apagkok ma'a wátsam Jordán? ¿Peyk enxeykel'a yohok aqsa hẽlmok ma'a amorreos yaqwayam hegmasséssók? ¡Táse' nak axta eykhe ókhegwak aqsa m'a neyp nak wátsam Jordán!

Josué 7:8

¡Wesse' egegkok! ¡May'ásegkok ko'o yaqwánxa atnehek sekpeywa! Hakte apkenyahágkek kaxwók ma'a énxet'ák Israel eñama apmenxenma m'a katnaha apnámakkok.

1 Samuel 1:24

Xama axta apyenyawa apto neme m'a, keñe ekyentamákxo m'a tegma appagkanamap Wesse' egegkok nak apagkok, ekpayho nak Siló, ketchetseyk axta eyke makham. Naqlókók axta han ántánxo weyke étkók kelennay'awo', veintidós kilos hótáhap, keñe han xama yempehek vino kélyeta.

1 Samuel 14:18

Aptáhak axta Saúl apcháneya Ahías: —Esanta sa' efod Dios nak apagkok, hakte axta yetnók ma'a nepyeseksa nak israelitas.

1 Samuel 4:2

apkelánegkokxeyk axta aptamhágkaxa yaqwayam ektamagkok ma'a israelitas, keñe axta apkelnápekpo, apmenxenchek axta filisteos ma'a israelitas, apkelnáhakkassek axta cuatro mil énxet'ák apagkok ma'a émpakháxchexa axta.