1 Samuel 4:19 - Biblia Enxet

¹⁹ Keñe m'a aptánegken, Finees axta aptáwa', lósók axta m'a, ketók ektémakxa naqláwa, yetlókok axta han ekmáske awáxok ekleg'a ekmáxko m'a Dios yántéseksek apagkok, tén han apketsapa m'a yepyáta', keñe han atáwa'; pexyawáha axta han eklegágkoho ekmáske ektáha naqláwa.

1 Samuel 4:19 ပူးပေါင်းရင်းမြစ်များ

Génesis 3:16

Keñe axta kelán'a aptáha apcháneya s'e: Kañegkohok sa' chá'a exche' neyseksa ekteme lóso', tén han ma'a ektáha enxoho chá'a naqláwa. Kámenyéhok sa' chá'a atáwa', yának sa' eyke kalyahakxohok chá'a exche' m'a.

Génesis 35:17

Xama axta ekyágwokmo eklegeykegkoho yaqwayam katnehek naqláwa, axta táhak eyáneya kelán'a ektegkessesso axta chá'a mók étche s'e: “Nágkatneykha aqsa awáxok, apkenna makham se'e sakcha'a ektegkesa nak.”

1 Reyes 14:1

Apháxamákpek axta Abías xa ekhem nak, Jeroboam axta apketche.

Salmos 78:64

Apkeletsepmeyk axta han apkelmaxnéssesso Dios énxet'ák apagkok, sawo axta chá'a kélyetxeykegkok, yawanchek axta han ekmáheyo kallekxagwaha m'a apnaqteyegka'a neptámen.

Jeremías 26:6

sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”

1 Samuel 4:18

Xama axta apkeltennasa apxéna Dios yántéseksek apagkok ma'a apseykekxésso nak amya'a, apsekhákxeyk axta Elí aphakxa m'a nekha nak átog, kentawok axta han nápenyétek, hakte apwányamók axta, apmel'ak axta han, apketsekkek axta. Cuarenta apyeyam axta han apteme apkemha apmonye' m'a Israel.

1 Samuel 4:20

Xama axta ekwet'a ekmako katsapok ma'a ektáha axta éláneykha, entáhak axta eyáneya s'e: “Nágkatneykha awáxok, wet'ak xeye' étche apkenna.” Axta eyke kátegmowágkok, axta han kahaxnawo';