1 Samuel 30:23 - Biblia Enxet

²³ Keñe axta David aptáha apkeláneya s'e: —Nágkólteme aqsa xa, énámakkok sélásekhayo, hakte Wesse' egegkok sẽlmeyáseykekxa ekyókxoho s'e aqsok nak, megya'awok han antekyók, ẽlméssek nahan yaqwayam ólnápok ma'a apkelmenyexma segketámeyam axta.

1 Samuel 30:23 ပူးပေါင်းရင်းမြစ်များ

Génesis 19:7

Aptáhak axta apkeláneya s'e: —Énámakkok sélásekhayo, nágkóllána aqsa xa aqsok ekmaso agko' nak.

Habacuc 1:16

Cháxa keñamak aptegyéyak nak chá'a kelasma apteméssessama máxa aqsok apcháyókxa m'a yám'én apagkok tén han sókhaxe apagkok, elnáhakkasek chá'a aqsok apnaqtósso, elwatnések nahan chá'a m'a aqsok ekmátsa nak ekpaqneyam, hakte cha'a keñamak ekmésso aptéyak ektaqmalma m'a, tén han ekxámokma.

Deuteronomio 8:10

Keñe sa' natámen kéltéyak tén han kélyaqkanakmo enxoho, kéméxcheyk kólteméssesek apcheymákpoho m'a Dios Wesse' kélagkok eñama apmésso s'e xapop ektaqmalma nak.

Deuteronomio 8:17

“Nágkatne aqsa élchetamso kélwáxok se'e: ‘Nélwasqápeykekxoho keñamak negko'o negweteya s'e aqsok egagkok ekxámokma nak.’

Deuteronomio 8:18

Kéméxcheyk kaxének chá'a kélwáxok ma'a Dios Wesse' kélagkok, hakte cha'a apteme apkelmésso kélwasqapma kéxegke yaqwayam kaxek xa aqsok nak, apkeláneya m'a apxeyenma axta chá'a elanaksek kéxegke, cham'a ekhémo mók nélpaqhetchásamáxkoho apkelánéssama axta nahan ma'a kélyapmeyk nanók axta kéxegke.

Jueces 19:23

Tén axta m'a énxet ektáha axta apxagkok ma'a tegma, aptáha apkeláneya s'e: —¡Ma', énámakkok! ¡Nágkóllána aqsa aqsok ekmaso agko', meyk'a ahagkok ko'o s'e énxet nak!

1 Samuel 2:7

Wesse' egegkok senteméssesso chá'a meyke aqsok egagkok, essenhan ekxákma aqsok egagkok; hempelápagkasek chá'a, hegheyásekxak nahan chá'a néten.

1 Samuel 30:22

Apkelpaqmetchek axta eyke m'a nápakha énxet'ák élmasagcha'a axta apkeltémakxa, apxéna megkapayhawo kólmésagkok aqsok ma'a melyetlo axta apkelxega, cham'a aqsok axta apkelméyak, wánxa axta aqsa apxéna kólmeyásekxak ma'a apnaqteyegka'a tén han apketchek, tén han apwanchek elxog natámen apkelmeykekxa'.

1 Samuel 30:24

Méko han xama énxet kalkohok apwáxok xa kéltáhakxa nak, elxawagkok sa' han aqsok ekmelasséxko enxoho m'a apkelheykekxa axta apkeláneykha aqsok egagkok, tén han ma'a apkelxega axta apya'áyam kempakhakma.

1 Samuel 30:8

apkelmaxneyáha axta Wesse' egegkok. Axta aptáhak apcháneya s'e: —¿Ewancheya ko'o alamhagkokxak ma'a énxet'ák apkelmenyexma nak? ¿Altahanyekxaya sa'? Apchátegmowágkek axta Wesse' egegkok: —Elamhagkokxa', eltahanyekxak sa', elmekxak sa' han ma'a apkelma axta apnaqleykekxa'.