1 Samuel 3:6 - Biblia Enxet

⁶ Apwóneyha axta eyke makham Wesse' egegkok: —¡Samuel! Aphákxeyk axta makham néten Samuel apmeyákxo m'a apyetnamakxa axta Elí. Aptáhak axta apcháneya s'e: —Ekwa'akteyk makham; ¿yaqsa ektáha sewónencha'a? —Neykhe ko'o awóneyha, —axta aptáhak apchátegmowágko Elí—. Étnakxa makham.

1 Samuel 3:6 ပူးပေါင်းရင်းမြစ်များ

Génesis 43:29

Apsawheyha axta exma nepyáwa m'a José, apwet'ak axta Benjamín, ektáha axta apyáxeg apagko', tén axta aptáha s'e: —¿Keyaxa kélyáxeg apsexyo kélxeyenma axta chá'a? ¡Dios sa' epasmok xép eyáxeg! Xama axta aptáha xa,

2 Samuel 18:22

Keñe axta Ahimaas aptáha makham apcháneya m'a Joab: —Heyho aqsa ko'óxa wanyehek neptámen xa énxet Etiopía. Apchátegmowágkek axta Joab: —¿Yaqsa ektáha apmako nak exog xépxa? ¡Méko ekyánmaga exkak apseykekxa amya'a!

1 Samuel 3:5

Keñe axta apkenyaha apmeyákxo m'a apyetnamakxa nak Elí. Aptáhak axta apcháneya s'e: —Ekwa'akte'; ¿yaqsa ektáha sewónencha'a? —Neykhe ko'o awóneyha —axta aptáhak apchátegmowágko Elí—. Étnakxa makham. Yetlókok axta han aptaqhémo apyetnákxo makham Samuel.

1 Samuel 3:7

Axta ékpelchak makham Samuel ma'a Wesse' egegkok, hakte axta epaqhetchessók makham xama enxoho.

1 Samuel 4:16

Aptáhak axta apcháneya: —Kaxwo' ko'o ekwa'akták séñama m'a émpakháxchexa nak. Sakhem ko'o sekxeganakmo m'a émpakháxchexa'. —¿Yaqsa ektáha? —axta aptáhak apkelmaxneyáncha'a Elí.