1 Samuel 3:3 - Biblia Enxet

³ Apyetneyk axta Samuel ma'a Wesse' egegkok nak tegma appagkanamap apagkok, ekyetnamakxa axta m'a Dios yántéseksek apagkok. Axta kamassak makham eyáléwe cháléwasso m'a tegma appagkanamap.

1 Samuel 3:3 ပူးပေါင်းရင်းမြစ်များ

2 Crónicas 13:11

Egkéshok chá'a axto'o tén han taxnám Wesse' egegkok ma'a aqsok ekwatnamáxche, tén han ma'a aqsok ekmátsa nak ekpaqneyam éten agkok, enegkenchessekxak chá'a néten mésa ekmópeyo m'a pán kélpagkanchesso nak chá'a, elápogwatchásekxak han chá'a yókxoho taxnám ma'a cháléwasso étkók élápogwatmo nak chá'a m'a cháléwasso ekyawe sawo ekyátekto ekmomnáwa. Hakte nélyaheykekxók negko'o m'a apkeltémókxa nak antéhek ma'a Dios Wesse' egegkok, keñe kéxegke kélyamasma.

Salmos 27:4

Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.

Salmos 29:9

Kelyawheyáseyha yámet encinas ma'a Wesse' egegkok appeywa, meyke yenta'a élyawe temessásak ma'a naxma. Apyókxoho énxet'ák aptáhak meleyságkoho apkelpaqmeta m'a tegma appagkanamap apagkok nak: ¡Apcheymákpoho Dios!

Salmos 5:7

Ewanchek eyke ko'o atxek tegma appagkanamap apagkok eñama seyásekhayo ko'o exchep; ¡Ewanchek alpeykeshok yetlo ekyawe agko' seyáyo, wanmexhok ma'a apyetnamakxa tegma appagkanamap apagkok!

Éxodo 25:31

“Elána sa' xama cháléwasso ekyawe sawo ekyátekto agko' la'a, kéltekpageykegkoho nak chá'a kalanaxchek ma'a sawo ekyentaxno. Xama sa' eyke katnekxak ekpasmeykekxa ekyókxa m'a awhak ekpayhe nak, axchapok, egheykok étkók agkok, tén han ma'a élapma nak, tén han ma'a axanák nak.

1 Samuel 1:6

Axta keñamak ekwanyeykencha'a chá'a m'a Peniná, tén han éltémo chá'a kalókasek, hakte énmexma axta m'a, wanyeykha axta hakte Wesse' egegkok axta apteméssesso megkate étche.

1 Samuel 1:9

Xama ekhem axta émpákxo néten natámen ekto ekto m'a Ana, axta payhok ma'a tegma apwányam Siló. Apheyk axta han néten aptaháno ekyawe m'a Elí, aptáha nak apkelmaxnéssesso Dios énxet'ák apagkok, nekha átog axta aphak, cham'a nentaxnamakxa nak tegma appagkanamap Wesse' egegkok nak apagkok.