1 Samuel 3:19 - Biblia Enxet

¹⁹ Apwánegyek axta Samuel, appasmomchek axta han Wesse' egegkok, apkeláneyak axta ekyókxoho m'a apkeltennassama axta elanaksek.

1 Samuel 3:19 ပူးပေါင်းရင်းမြစ်များ

Génesis 21:22

Xegkessegkek axta han kaqhohok xa ekhem nak, appaqhetchessama axta Abimélec ma'a Abraham, Ficol axta han apxegexma, apkemha apmonye' sẽlpextétamo apagkok axta. Aptáhak axta Abimélec apcháneya Abraham se'e: —Negweteyak chá'a negko'o appasmoma Dios ekyókxoho aqsok apkelanakxa enxoho.

Génesis 28:15

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

Génesis 39:2

Wesse' egegkok axta eyke apxegexma chá'a José, aptaqmelchessessegkek axta apha m'a wesse' apagkok nak apxagkok, apteme nak énxet Egipto.

Génesis 39:3

Apweteyak axta han aphama xamo' Wesse' egegkok José m'a wesse' apagkok nak, axta keñamak ektaqmalma chá'a ekyókxoho aqsok apkelanakxa enxoho chá'a m'a José.

1 Reyes 8:56

“¡Apcheymákpoho sa' kólteméssesek Wesse' egegkok, apmésso axta meyke ektáhakxa apheykha m'a énxet'ák apagkok Israel, ekhawo ekyókxoho apkeltennassamakxa axta etnéssesek! Hakte apsawhomók apkeláneya m'a ekyókxoho appeywa ektaqmela apmésso axta, eñama apchásenneykekxa m'a apkeláneykha Moisés.

2 Reyes 10:10

Kólya'asagkoho sa', megkatnehek megkatne aptémakxa axta apxeyenma Wesse' egegkok yaqweykenxa katnehek ma'a Ahab axta aptawán'ák neptámen. Wesse' egegkok apagko' axta han apxeyenma katnehek xa, apchásenneykekxo axta exének ma'a Elías, apteme axta apkeláneykha.

2 Reyes 15:12

Temék axta m'a aptémakxa axta Wesse' egegkok apkeltennasso m'a Jehú, apkeltennassama axta etnahagkok chá'a apkelwesse'e Israel ma'a apketchek nak ekweykekxoho m'a apketchek aptawán'ák nak.

2 Reyes 22:16

sektáha sekpeywa, ko'o sektáha nak Wesse': Wahak sa' ko'o aqsok ekmaso s'e yókxexma nak, tén han nepyeseksa s'e énxet'ák apheykha nak, ekhawo nak ekyókxoho ekxeyenma s'e weykcha'áhak, apkelyetseta exchek ma'a wesse' apwányam nak Judá.

Isaías 43:2

Peyk sa' agkok eyeykhekxak neyseksa yegmen, ko'o sa' atnehek sekxegexma, peyk sa' agkok eyeykhekxak neyseksa wátsam, meweywagkek sa'; peyk sa' agkok exog neyseksa táxa, memyetek sa', megkawatnek sa' xép ma'a táxa eyáléwe nak.

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Deuteronomio 18:22

Agkok katnahak aptáhakxa apxeyenma Wesse' egegkok apwesey m'a aplegasso nak Dios appeywa, cháxa magkenatchesso megkatnaha apkeltémo exének ma'a Wesse' egegkok, apxénamakpekxoho apagko' eyke aptémakxa eyeymáxkoho apwáxok xa seykha amya'a nak; nágkóle aqsa.

Josué 21:45

Temegkek axta ekyókxoho m'a aptémakxa axta appeywa Wesse' egegkok apxeyenmakxa axta etnéssesek ektaqmela israelitas.

Jueces 13:24

Wet'ak axta han xama étche apkenna' m'a kelán'a nak, Sansón axta han temessásak apwesey. Apwánegyek axta m'a sakcha'a nak, appasmomchek axta han Wesse' egegkok.

1 Samuel 10:7

Temék sa' agkok xép xa ektáha nak, etne sa' ma'a ekpayhókxa nak etnehek, hakte Dios sa' epasmok.

1 Samuel 12:2

Keso wesse' apwányam peya sa' etnehek apnaqleykha kéxegke. Sekwányamók eyke ko'o kaxwók ektáhak, mópowók han ma'a éwa', apháha han étchek kélnepyeseksa kéxegke. Ko'o axta seknaqleykha chá'a kéxegke, eyeynmo sektémakxa axta wokma'ák, ekwokmoho s'e negwánxa nak,

1 Samuel 16:18

Keñe axta xama xa énxet'ák nak aptáha s'e: —Ekweteyak ko'o xama m'a Jesé nak apketchek, apha nak Belén, apwanchek epáwaksek arpa m'a; sẽlpextétamo apyennaqte han ma'a, tásek han chá'a katnehek appeywa; tásek han apyókxa', apxegexma han aptemék ma'a Wesse' egegkok.

1 Samuel 18:12

Apcháyak axta chá'a Saúl ma'a David, hakte Wesse' egegkok axta chá'a appasmók ma'a David, massegkek axta appasmo m'a Saúl.

1 Samuel 18:14

Tásek axta chá'a katnehek ekteyapma ekyókxoho aqsok apkelanakxa enxoho chá'a m'a David, hakte Wesse' egegkok axta chá'a appasmók.

1 Samuel 18:5

Tásek axta chá'a katnehek ekteyapma ekyókxoho aqsok apkelanakxa enxoho m'a David, apkeltamhókxa enxoho chá'a elának ma'a Saúl, axta keñamak apteméssessama apkemha apmonye' apagkok ma'a kempakhakma yapmeyk. Leklamók axta han apkelwáxok apyókxoho sẽlpextétamo, keñe han ma'a sẽlpextétamo apkelwesse'e apagkok axta m'a Saúl.

1 Samuel 2:21

Appasmomchek axta Wesse' egegkok ma'a Ana, tén axta ektamheykekxo chá'a lóso'. Weteyak axta Ana apqántánxo étchek apkelennay'a, tén han ánet ma'a kelwán'ák, apwánegyek axta aqsa nápaqtók Wesse' egegkok ma'a sakcha'a Samuel.

1 Samuel 2:26

Apwánegyek axta m'a sakcha'a Samuel, leklamók axta apwáxok aptémakxa m'a Wesse' egegkok, tén han ma'a énxet'ák.

1 Samuel 9:6

Aptáhak axta apkeláneykha apchátegmowágko s'e: —Apheyk xama Dios appeywa aplegasso s'e tegma apwányam nak, apcháyo nak chá'a apyókxoho énxet'ák, hakte megkatnehek chá'a megkatne m'a ekyókxoho apxeyenma nak chá'a katnehek. Ólmahagkok ma'a, lapmaxcheyk sa' hẽltennaksek ámay yaqwánxa enxoho agyetlók.