1 Samuel 3:17 - Biblia Enxet

¹⁷ Keñe axta aptáha apkelmaxneyáncha'a Elí s'e: —¿Yaqsa exchek apkeltennasa Wesse' egegkok? Ná ekpós aqsa, héltennasha sa' ekyókxoho. ¡Dios sa' eñássesagkohok ekyentaxno agko' appósa enxoho xama, mehéltennasa enxoho ekyókxoho m'a aptáhakxa apcháneya!

1 Samuel 3:17 ပူးပေါင်းရင်းမြစ်များ

2 Samuel 14:18

Apchátegmowágkek axta kelán'a m'a wesse' apwányam: —Héltennés sa' ekyókxoho m'a sekmako nak almaxneyha. —Wesse', hélmaxneyha —axta táhak eyátegmowágko.

2 Samuel 19:13

Axta apkeltamhók han kóltéhek kólának ma'a Amasá: “Émók ahagko' ko'o exchep, xép sa' etnehek kaxwók apkemha apmonye' sẽlpextétamo ahagkok, apyaqmagkasso m'a Joab. Sa' agkok alanak xa sektáhakxa nak sekpeywa, Wesse' egegkok sa' heñássesagkohok ekyentaxno agko'.”

2 Samuel 3:35

Keñe axta kélya'aweykxo David apcháneyákpo etwok apto amonye' ekyáqtésso, keñe axta David aptáha naqsók appaqmeta s'e: —¡Heñássesagkohok sa' ko'o Dios ekyentaxno agko', sektawa enxoho sekto, essenhan ma'a mók aqsok enxoho, amonye' ektaxno ekhem!

2 Samuel 3:9

¡Heñássesagkohok sa' ko'o ekyentaxno agko' Wesse' egegkok matnéssesa enxoho David ma'a apmáheyókxa axta etnéssesek Wesse' egegkok,

1 Reyes 22:16

Apchátegmowágkek axta m'a wesse' apwányam: —¡Hágkaxwe altennaksek xép altamhok héltennaksek ekmámnaqso' yetlo apxeyenma apwesey Wesse' egegkok!

2 Reyes 6:31

Keñe axta aptáha wesse' apwányam se'e: “¡Heñássesagkohok sa' ekyentaxno agko' Dios se'e ekhem nak, mayaqténchesa enxoho apyespok ma'a Eliseo, apketche nak Safat!”

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Jeremías 38:14

Apkeltamhók axta kólyentemekxak wesse' apwányam Sedequías aphakxa m'a Dios appeywa aplegasso Jeremías, ektáhakxa nak ántánxo nentaxnamakxa m'a átog tegma appagkanamap. Axta aptáhak apcháneya s'e: —Almaxneyha sa' ko'o exchep xama aqsok, heyátegmowák sa' nahan meyke apyexamakpoho.

Jeremías 42:4

Aptáhak axta Jeremías apchátegmowágko s'e: —Hoy, almaxnéssesek sa' ko'o kéxegke Dios Wesse' kélagkok, ekhawo kéltáhakxa nak sélmaxneya ko'o kéxegke, alya'assásegwók sa' ekyókxoho m'a aptáhakxa enxoho seyátegmowéyak, meyke seyáyam xama enxoho.

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Miqueas 2:7

¿Apkeltaqnómakpek enxeykel'a m'a Jacob énxet'ák apagkok? ¿Aplamchek enxeykel'a kaxwók ma'a Dios? ¿Keya aptémakxa Dios elának aqsok xa? ¿Megkataqmalmakhaya chá'a appeywa elának ma'a ekpéwo nak aptémakxa?

Números 23:17

Aptaqháwok axta m'a Balaam, apwetágweykxeyk axta nahan Balac apkenmeyncha'a m'a nekha nak apkelwatnakxa aqsok kélnaqtósso, yetlo apkelxegexma'a m'a apkelámha apmonye'e nak moabitas. Aptáhak axta Balac apkelmaxneyáncha'a s'e: —¿Háxko aptáhakxa apcháneya Wesse' egegkok?

Rut 1:17

Watsapwók sa' nahan ma'a étsapwánxa enxoho exche', sa' émenyeyk han hélátawañegwók ma'a. Hakte heñássesagkohok katnehek ko'o Wesse' egegkok ekyentaxno agko' sekyenyawa enxoho exche', megkatnaha enxoho seyenyókasso m'a nétsapma.

1 Samuel 14:44

Axta aptáhak Saúl se'e: —¡Dios sa' ko'o heyaqhek megyetsapa enxoho exchep Jonatán!

1 Samuel 20:13

peyk sa' agkok etnéssessamhok exma ekmaso m'a táta, heñássesagkohok sa' ko'o ekyentaxno agko' Wesse' egegkok maltennasa enxoho, tén han maltamho enxoho exyenmok yetlo meyke ektáhakxa'. ¡Wesse' egegkok sa' epasmok ekhawo ektémakxa nak appasmoma m'a táta!

1 Samuel 25:22

Keñe axta aptáha s'e: “¡Dios sa' heñássesagkohok ekmaso agko' malnapa enxoho ko'o apyókxoho amonye' élseye m'a apkelennay'a nak apnámakkok apagko'!”

1 Samuel 3:16

apwóneyha axta eyke m'a Elí, aptáhak axta apcháneya s'e: —¡Samuel! —Ekwa'akte' —axta aptáhak apchátegmowágko.