1 Samuel 3:13 - Biblia Enxet

¹³ Éltennassegkek axta ko'o allegássesagkohok ma'a énxet'ák apagkok meyke néxa, eñama apkeltémakxa élmasagcha'a, apya'ásegkok eyke m'a; hakte exéneykha axta chá'a ko'o ekmaso m'a apketchek nak, axta han elnókáseykha chá'a.

1 Samuel 3:13 ပူးပေါင်းရင်းမြစ်များ

1 Reyes 1:6

Axta eyke etaqnaweykha xama enxoho m'a apyáp, axta han elmaxneyeykha chá'a yaqsa ektéma apkeláneya chá'a m'a apkeláneya nak chá'a. Axayók axta han aptéyam ma'a Adonías neptámen ma'a Absalón, aptásek axta han ma'a.

1 Reyes 2:44

Apya'ásegkok xeyep ma'a apteméssessamakxa axta ekmaso m'a David, táta axta ko'o. Cháxa keñamak apkeltamho nak Wesse' egegkok kápekxak xeyep ma'a aqsok ekmaso apkelane.

2 Crónicas 20:12

Dios egagkok, ¡ellegássesagkoho sa' xa énxet'ák nak! Hakte méko negko'o nélyennaqte yaqwayam ólenmexek xa sẽlpextétamo apxámokma segketamakmo nak. ¡Magya'ásegkok yaqwánxa antéhek; la'a nélenmexákxoho nak aphakxa exchep!”

Proverbios 19:18

Elyentamakpoho chá'a elxekmósagkok apketche aptáhakxa enxoho makham apketchetse', ná eyeykhássamo aplegassáseykegkoho, yaqhek katnehek.

Proverbios 29:15

Hegya'assásegwók chá'a exma m'a sẽlyekpexcheteykha nak, tén han sẽlnókáseykha nak, emegqaksek eyke chá'a egken ma'a kélketche kélhayo nak aqsa chá'a aptáhakxa.

Eclesiastés 7:22

Ekhawo nak xép xa, apya'ásegkok, hágkaxwe axta exchep xa exénmakha chá'a ekmaso pók.

Ezequiel 18:30

Élyekpelchémók eyke chá'a ko'o kélxama kéxegke, israelitas, cham'a ektémakxa nak chá'a aqsok kéllánéyak. Ko'o sekxeyenma xa, sektáha nak Wesse'. Kólyenyekxa ekyókxoho kéltémakxa élmasagcha'a, yaqwayam sa' megkalsexnenayhek ma'a kéltémakxa kélagko' nak kélnaqtawásamáxche'.

Ezequiel 7:3

Wokmek kaxwók néxa apwetamap xép, Israel. Ayenyenták sa' ko'o seklo nepyeseksa exchep; alyetsetchásekxak sa' ko'o exchep ma'a aptémakxa, añássesagkohok sa' nahan eñama apkelane m'a ekyókxoho aptémakxa ekmaso agko'.

Joel 3:12

Kóllánekxa heykxa kéltáhakxa pók aptémakxa nak énxet'ák, kólmohok ma'a ekyapwátegweykenxa nak xóp Josafat, hakte sa' elyekpelkohok Wesse' egegkok apyókxoho pók aptémakxa énxet'ák apheykha nak negyáwa m'a.

Deuteronomio 17:12

Keñe sa' ma'a énxet apkelane nak chá'a aqsok yetlo eyeymáxkoho apwáxok melyeheykekxa nak chá'a aptáhakxa appeywa apkelmaxnéssesso Dios énxet'ák apagkok apkeltemessáseykha nak chá'a Wesse' egegkok ma'a, essenhan ma'a énxet'ák segyekpelchémo nak, yáneykpok sa' ematñekxa'. Keñe sa' kólmasséssók kéxegke aqsok ekmaso ekteyapma m'a kañe' Israel,

Deuteronomio 21:18

“Yetneyk agkok apketche xama énxet meyke nak apkelyaheykekxoho appeywa tén han ekyennaqte nak apwáxok, melyaheykekxa nak aptáhakxa yának ma'a apyáp tén han egken, megkeyxek ma'a aplegassáseykegkoho,

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,

1 Samuel 2:17

Asagko' agko' axta apkeláneyak melya'assáxma nápaqtók Wesse' egegkok xa wokma'ák nak, hakte aptawáseykha axta m'a aqsok kélmésso naqsa, ektáha axta chá'a apagkok ma'a Wesse' egegkok.