1 Samuel 29:10 - Biblia Enxet

¹⁰ Kólnaqxétekhák sa' axto'ók agko', xép tén han ma'a Saúl axta apkeláneykha, apkelyetláyam axta exchep, kelsakak sa' agkok, kóltaqhohok sa'.

1 Samuel 29:10 ပူးပေါင်းရင်းမြစ်များ

Génesis 22:14

Keñe axta natámen Abraham apteméssesa ekwesey yókxexma: “Wesse' egegkok apteme segmésso eyéméxchexa aqsok.” Cháxa kéltéma nak makham ekwesey s'e: “Egkexe Wesse' egegkok apteme segmésso eyéméxchexa aqsok.”

1 Crónicas 12:19

Nápakha Manasés énxet'ák apagkok axta han apyepetcheykekxak ma'a David, cham'a apxegama axta David appáxaqweykmo m'a filisteos yaqwayam yenmexek ma'a Saúl. Mopwanchek axta eyke David apmáheyo epasmok ma'a filisteos, hakte apchaqneykekxeyk axta m'a apkelámha apmonye'e aphéssamo mók apkelpeywa apkelxeyenma etaqheksoho'. Axta aptemék apkelpeywa s'e: “¡Epásegwakxa katnehek David ma'a Saúl, keñe hẽlnápekxak negko'o, hakte nanók wesse' apagkok ma'a!”

1 Crónicas 12:22

Yókxoho ekhem axta apkelwayam chá'a énxet yaqwayam epasmok ma'a David, ekwokmoho apxámagwokmo apagko' ma'a sẽlpextétamo, sẽlpextétamo apxámokma axta aptemék.

1 Samuel 29:11

Axto'ók agko' axta apxatakha'a David yetlo apkelxegexma'a, keñe axta apkeltaqháwo makham ma'a filisteo apchókxa', tén axta filisteos apkelmahágko m'a Jezreel.