1 Samuel 28:10 - Biblia Enxet

¹⁰ Naqsók axta eyke aptemessásak Saúl yetlo apxeyenma Wesse' egegkok apwesey, aptáha apcháneya s'e: —Naqsók ko'o ektemessásak yetlo sekxeyenma Wesse' egegkok apwesey, megkatnégwomok sa' exma ekmaso eñama ekteme xa.

1 Samuel 28:10 ပူးပေါင်းရင်းမြစ်များ

Génesis 3:5

Apya'ásegkok Dios kéltawa enxoho kéxegke xa yámet ekyexna nak, kólya'ásegwók sa' aqsok ektaqmela, tén han aqsok ekmaso, keñe sa' kólhágwakxohok ma'a Dios.

2 Samuel 14:11

Axta eyke táhak makham eyáneya kelán'a: —¡Éltamhók ko'o exchep ewónmakha Dios Wesse' apagkok, wesse', yaqwayam enxoho megkayawagkehek apkelane aqsok ekmaso heyaqhássesek pók hatte m'a apnámakkok nak, apmáheyo exnésseshok mók apmatñà m'a pók hatte axta! Keñe axta aptáha appaqmeta wesse' apwányam se'e: —¡Naqsók ko'o sektáha sekpeywa nápaqtók Wesse' egegkok, megkólteméssessamók exma ekmaso m'a étche nak!

Éxodo 20:7

“Ná etwasha apmeykha apwesey Dios Wesse' apagkok, hakte meyenyekxék aqsa nahan meyke apkelyekpexchetma m'a ektáha enxoho aptawássáseykha apmeykha m'a apwesey.

1 Samuel 14:39

¡Naqsók ko'o sektáha sekpeywa nápaqtók Wesse' egegkok, apkelwagkasso nak teyp ma'a Israel, yetsapok sa' ma'a ektáha enxoho apteme, megkeyxek sa' ma'a ektáha enxoho apteme m'a hatte Jonatán! Méko axta xama enxoho apchátegmowéyak sẽlpextétamo.

1 Samuel 19:6

Xama axta apleg'a Saúl appeywa m'a Jonatán, axta aptáhak se'e: —Naqsók ko'o ektemessásak sekpeywa yetlo sekxeyenma Wesse' egegkok, megyetsepek sa' David.

1 Samuel 28:11

—¿Yaqsa apkeltamho wánéssesha exchep? —axta entáhak eyáneya kelán'a. —Heyánéssesha ko'o Samuel —axta aptáhak Saúl.

1 Samuel 28:9

Axta táhak eyátegmowágko kelán'a: —Apya'ásegkok xép aqsok apkelane axta Saúl, apkelántekkessama axta apchókxa m'a apkelpaqhetchásamákpoho nak chá'a kélhagák, tén han ma'a apkelwóneykha nak chá'a apkeletsapma. ¿Yaqsa ektáha apkeltamho nak hesexnenak hemok kelhanma yaqwayam amátog?