1 Samuel 27:1 - Biblia Enxet

¹ Axta entáhak élchetamso apwáxok David se'e: “Xama ekhem sa' ko'o heyaqhek Saúl. Tásek ko'onék kaxwók axyenmok amhagkok ma'a filisteo apchókxa', yaqwayam enxoho kamaskok hélya'aksek exma Saúl, keñe han hektamok ma'a ekyókxoho kañe' nak xapop Israel. Tén sa' axyánegkesek.”

1 Samuel 27:1 ပူးပေါင်းရင်းမြစ်များ

1 Reyes 12:26

Axta eyke entáhak élchetámeykha apwáxok se'e: “Emekxak kexaha katnehek makham David aptawán'ák neptámen se'e apchókxa nak,

1 Reyes 12:28

Yetlókok axta han apkeltémo kalanaxchek ánet weyke étkok kéleykmássesso sawo ekyátekto ekmomnáwa m'a wesse' apwányam, natámen ekteme élchetamso apwáxok xa ektáha nak, keñe aptáha apkeláneya énxet'ák se'e: “Israelitas, wánxa kólteme kélmeyeykekxa Jerusalén, hakte hágkaxwe kólmeyekxak ma'a. Keso aqsok kéláyókxa kélagkok se'e, ektáha axta élántekkesso m'a Egipto.”

1 Reyes 19:3

Apyekpelcheyk axta eyesagko yaqwánxa katnehek Elías, keñe apmahágko Beerseba, yaqwayam enxoho ewagkasakpok teyp, cham'a yókxexma nak Judá, axta apyensakmok apkeláneykha m'a.

2 Crónicas 25:17

Pók énxet appeywa axta aqsa chá'a apkelyaheykekxohok ma'a Amasías, wesse' apwányam nak Judá, apcháphássessek axta appeywa m'a Joás, wesse' apwányam nak Israel, cham'a Joás, Joacaz axta apketche, Jehú axta aptáwen, aptáhak axta s'e: “Emyógma sa' se'e apyenna enxoho.”

Salmos 116:11

Ekxeyenmeyk axta aqsa ko'o apyókxoho énxet'ák apteme apkelmopwancha'a amya'a, neyseksa may'áseyak sektáhakxa.

Salmos 55:7

Wampak axta amhagkok makhawók agko'; axnamok axta m'a yókxexma meykexa nak énxet.

Éxodo 14:12

Axta nentemék eykhe chá'a neganagkama exchep neyseksa negheykha axta Egipto s'e: ‘Hẽgho aqsa ólteméssesha negko'o m'a egipcios. ¡Tásek axta aptéma aqsa sẽlásenneykha m'a, megkaxnawok se'e peyakxa nak agmassegwa', yókxexma meykexa nak énxet!’

Proverbios 13:12

Aqsok ekwenaqte nak élhaxnamáxche megkatyapma nak, kayaqhakkasek egwáxok, máxa eyke yámet segméssamo nak ekyennaqte egnények ma'a aqsok ekteyapma nak chá'a negmámenyého.

Isaías 51:12

“Ko'o ahagko' sélwasqakkáseykekxoho chá'a kéxegke. ¿Yaqsa kéláya chá'a kéxegke? ¿Énxet ya? ¿Keya kélayeyk chá'a kéxegke m'a énxet'ák apkeletsapmo nak chá'a, aphémo nak pa'at?

Números 14:3

¿Yaqsa kexa ektéma sennaqleykekmo nak Wesse' egegkok se'e apchókxa nak? ¿Yaqwayam agmaskok kempakhakma enxeykel'a essenhan yaqwayam elmok ennaqteyegka'a tén han egketchek ma'a sẽlenmexma nak? ¡Tásek óltaqhohok makham ma'a Egipto!”

1 Samuel 16:1

Aptáhak axta Wesse' egegkok apcháneya Samuel: —¿Háxko sa' ekwánxa kamassegwók élapwayam eñama aptémakxa m'a Saúl? Maltamhók ko'o elenxanmagkohok apteme wesse' apwányam Israel ma'a. Exeg, eyátawakxa pexmok égmenek apyeta nak chá'a, éltamhók ko'o emhagkok xép ma'a Jesé apxagkok, apha nak Belén, hakte élyesáha ko'o yaqwayam etnehek wesse' apwányam xama apketche m'a.

1 Samuel 16:13

Yetlókok axta han apmeykekxa Samuel ma'a pexmok égmenek apyeta, apteméssessek axta wesse' apwányam David, nápaqta'awók ma'a apkelpepma. Cháxa aptaxnakxa axta han apwáxok ma'a Wesse' egegkok espíritu apagkok. Keñe axta aptaqhákxo Samuel apmeyákxo m'a Ramá.

1 Samuel 20:3

Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!

1 Samuel 22:5

Tén axta m'a Gad, apteme axta Dios appeywa aplegasso, aptáha apcháneya David se'e: —Ná exa aqsa chá'a s'e tegma apyennaqte nak. Exeg, emyekxa sa' ma'a yókxexma Judá. Yetlókok axta han apxega m'a David, apwokmek axta han ma'a naxma nak Héret.

1 Samuel 23:17

Axta aptáhak apcháneya s'e: —Nágkatneykha aqsa apwáxok, méteyekxeyk xép ma'a táta, Saúl. Xép sa' etnehek wesse' apwányam Israel, keñe sa' ko'o sektéteyak. Apya'ásegkok han táta xa, cham'a Saúl.

1 Samuel 25:30

Apkelanak sa' agkok Wesse' egegkok ma'a ekyókxoho aqsok éltaqmela apkeltennassama axta exchep, apteméssesa enxoho apkemha apmonye' m'a Israel,

1 Samuel 26:19

Éltamhók ko'o yeyxhok sekpeywa, wesse', sektáha nak apkeláneykha: Wesse' egegkok sa' agkok sénmexcháseykekxa ko'o exchep, wesse', emok sa' takha' aqsok apmésso naqsa; énxet sa' agkok ma'a, Wesse' egegkok sa' eltaqnaweygkok. Hakte etekkessegkek ko'o s'e yókxexma nak, ektáha nak apagkok ma'a Wesse' egegkok, eyáteyeykegkok alpeykeshok ma'a mók aqsok kéláyókxa nak.

1 Samuel 29:2

Xama axta apkelxega m'a apkelámha apmonye'e nak filisteos, yetlo apkelxegexma'a m'a sẽlpextétamo apxámokma, keñe axta David yetlo apkelxegexma'a, apxega han xamo' axayók ma'a Aquís.

1 Samuel 29:3

Keñe axta m'a apkelámha apmonye'e nak filisteos, aptáha apkelmaxneyáncha'a m'a Aquís: —¿Yaqsa apkelánegko hebreos se'e? Aptáhak axta Aquís apchátegmowágko s'e: —David se'e, Saúl axta sẽlpextétamo apkemha apmonye' apagkok, wesse' apwányam axta m'a Israel. Yáma wegqak eyke han apyeyam apteme sekxegexma, mót'ak makham xama aqsok ekmaso apkelane, eyeynmo m'a sekxók axta sépetchegwaya, ekwokmoho makham se'e kaxwo' nak.