1 Samuel 26:23 - Biblia Enxet

²³ egkéshok chá'a ekyánmaga Wesse' egegkok ektémakxa aqsok apkelane m'a énxet ekpéwomo nak aptémakxa, tén han meyenyaweykha nak chá'a. Egkéssek eykhe ko'o Wesse' egegkok yaqwayam waqhek xép se'e sakhem nak, makke ko'o amakók atnéssessamhok exma ekmaso xép wesse' apwányam, aptáha nak apkelyéseykha Wesse' egegkok.

1 Samuel 26:23 ပူးပေါင်းရင်းမြစ်များ

2 Samuel 22:21

Egkéssegkek axta ko'o ekyánmaga Wesse' egegkok ekpayhawo nak hegkések, eñama eyáxñeyo sektémakxa,

2 Samuel 22:25

Egkéssegkek ekyánmaga Wesse' egegkok eñama eyáxñeyo sektémakxa nápaqto'.

1 Reyes 8:32

yeyxho sa' xeyep ma'a aphakxa nak néten, elána sa' nahan; etnésses sa' ekpayhawo nak etnéssesek ma'a apkeláneykha. Eñássesagkoho sa' ma'a ektáha nak apsexnánémap, yána sa' kaphewakxak ma'a kéllegassáseykegkoho, eñama aptémakxa ekmaso, etnésses sa' han ekpayhawo nak kólteméssesek ma'a meyke nak aptémakxa.

Nehemías 13:14

¡Dios ahagkok: kaxén sa' apwáxok se'e aqsok sélane nak, nágkalwánaqma ekyókxoho m'a aqsok ektaqmela sekteméssessamakxa nak ko'o m'a Dios ahagkok nak tegma appagkanamap apagkok, tén han ma'a ektémakxa nak chá'a élánamáxche kélpeykessamo!

Job 34:11

Eyaqmagkásekxohok eyke chá'a ektémakxa aqsok apkelane xama énxet ma'a; etnéssesek chá'a m'a ekpayhawo nak chá'a etnéssesek.

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 24:12

¡Wesse' egegkok sa' etnehek segyekpelchémo negko'o s'e egqánet nak, hexnésseshok sa' mók apmáheyókxa nak xép hetnéssesek, wesse'! Keñe sa' ko'o, matnéssessamók exma ekmaso xama enxoho exchep, wesse'.

1 Samuel 24:18

Sakhem sexekmósa ko'o exchep ektaqmela chá'a setnéssessamakxa', hakte egkéssek eykhe ko'o exchep yaqwayam hemok ma'a Wesse' egegkok, makke heyaqhak.

1 Samuel 24:19

Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!

1 Samuel 26:11

Megyohok sa' ko'o waqhek Wesse' egegkok ma'a wesse' apwányam apkelyéseykha nak. Ema aqsa xa sawhéwa apagkok apkenegkesa nak ekpayhókxa apqátek, tén han egheykok ekyawe apagkok apyeta nak chá'a yegmen, keñe sa' óltaqhoho'.

1 Samuel 26:22

Apchátegmowágkek axta David: —Keso sawhéwa apagkok se'e wesse'. Yána sa' exegmak xama apchásenneykha ewata',

1 Samuel 26:9

Tén axta David aptáha apchátegmowágko: —Nágyaqha aqsa, hakte megkatnehek megkóllegassáseykegkoho apmáheyo nak yaqhek wesse' apwányam, apkelyéseykha nak ma'a Wesse' egegkok.