1 Samuel 26:18 - Biblia Enxet

¹⁸ ¿Yaqsa ektéma seyaqmáseykencha'a nak wesse', ko'o sektáha nak xép apkeláneykha? ¿Yaqsa aqsok séláneya? ¿Yaqsa aqsok ekmaso séláneya ko'o?

1 Samuel 26:18 ပူးပေါင်းရင်းမြစ်များ

Salmos 119:161

Énmexeykha chá'a ko'o meykexho sektáhakxa m'a énxet'ák apkelwesse'e nak, cháyók eyke ko'o ewáxok ma'a appeywa nak.

Salmos 35:7

Meykexho sektémakxa epekkenchessók emonye' kelhanma; meykexho sektémakxa emétegkessók emonye' máxek, yaqwayam enxoho ko'o atyamok ma'a kañe'.

Salmos 69:4

Apxámok apagko' ma'a setaqnagko nak chá'a meykexho sektáhakxa', apyeykhágweykmok ma'a ekwánxa nak ekxámokma éwa'; apxámágkek apagko' ma'a sélenmexma, apmáheyo nak chá'a hemasséssók meykexho sektáhakxa, apkeltémók han chá'a almeyásekxak ma'a aqsok megkatnaha nak sélmenyexma.

Jeremías 37:18

Axta aptáhak Jeremías apkelmaxneyáncha'a wesse' apwányam Sedequías se'e: —¿Yaqsa aqsok ekmaso ko'o séláneya nápaqtók xép wesse', essenhan nápaqta'awók ma'a apkeláneykha nak, essenhan ma'a énxet'ák, seyaqxegkessama nak kañe'?

1 Samuel 17:29

—¿Yaqsa eyke sélana kaxwo'? —axta aptáhak apchátegmowágko David—, ekpaqmetche neykhe aqsa ko'o.

1 Samuel 20:1

Apkenyahákxeyk axta eyke makham David apkeñama m'a Naiot ekpayho nak Ramá, apmeyákxeyk axta m'a aphakxa axta Jonatán, axta aptáhak apcháneya s'e: —¿Yaqsa aqsok ko'o séláneya? ¿Yaqsa aqsok ekmaso séláneya ko'o? ¿Yaqsa may'assáxma séláneya nápaqtók apyáp sétamsama nak apmáheyo heyaqhek?

1 Samuel 24:9

aptáhak axta apcháneya s'e: —¿Yaqsa ektéma apháxenmo nak chá'a kéltennáseykha sekmáheyo ko'o atnéssessamhok exma ekmaso exchep, wesse'?