1 Samuel 25:39 - Biblia Enxet

³⁹ Xama axta apleg'a David apketsapa m'a Nabal, aptáhak axta s'e: —¡Apcheymákpoho sa' kólteméssesek Wesse' egegkok, seyaqmagkassásekxo nak ektémakxa setaqnaweykha m'a Nabal! ¡Meltamhók alának aqsok ekmaso, Nabal apagko' han apcháhakkásekxak ma'a aptémakxa ekmaso! Tén axta David apcháphássesa appeywa apmako emekxak etnehek aptáwa' m'a Abigail.

1 Samuel 25:39 ပူးပေါင်းရင်းမြစ်များ

2 Samuel 1:16

axta aptáhak apcháneya David se'e: —Apsexnánémap apagko' xép apmatñà, hakte xép apagko' xeyk apxénak ektáha apteme apchaqhe m'a wesse' apwányam, ektáha axta Wesse' egegkok apkelyéseykha.

1 Reyes 2:44

Apya'ásegkok xeyep ma'a apteméssessamakxa axta ekmaso m'a David, táta axta ko'o. Cháxa keñamak apkeltamho nak Wesse' egegkok kápekxak xeyep ma'a aqsok ekmaso apkelane.

Ester 7:10

Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Salmos 7:16

¡Kápekxak sa' ma'a aptémakxa ekmaso, tén han apyennaqteyáseykha apyempehek!

Salmos 9:5

Apkeltaqnaweykegkek ma'a melya'áseyak nak xép, apmassésseykmek xép ma'a élmasagcha'a nak apkeltémakxa, ¡apmassésseykmók apagko' apkelxénamap chá'a!

Proverbios 18:22

Negwet'ak agkok entáwa', cháxa ektaqmela xa: cháxa senxekmósa sempasmo m'a Dios.

Proverbios 19:14

Egyapmeyk chá'a sempekkencháseykekxa m'a enxagkok tén han selyaqye egagkok; Wesse' egegkok akke keñamak chá'a segmésso m'a entáwa' ekmowána nak aqsok.

Proverbios 22:23

hakte Wesse' egegkok sa' epasmok ma'a, keñe sa' eñássesagkohok ma'a ektáha nak chá'a apnaqtawáseykegkoho.

Proverbios 31:10

Askehek agwetak entáwa' ektaqmalma nak ektémakxa'; ¡yeykhásseykmók ektémakxa ekmomnáwa m'a meteymog éltaqmalma nak!

Proverbios 31:30

Awanchek hẽlyexanchesha m'a ektémakxa nak ekma egwáxok anlanok kelán'a, megkawegqók eyke m'a ektémakxa nak ektaqmalma; eyke payhawók kataqmalmakha nempeywa anxénmakha m'a kelán'a eyáyo nak Wesse' egegkok.

Cantares 8:8

Ketsék makham negko'o egyáxeg, méko makham nam'agkok. ¿Háxko sa' anteméssesek sẽlya'awa enxoho hẽlmaxnegwa'?

Miqueas 7:9

Éláneyak ko'o may'assáxma sénmexeykekxo Wesse' egegkok, cháxa keñamak peya nak alenmaxaxkohok ma'a aplo nak; ékpelkohok sa' ko'o sektémakxa m'a, hélánekxések sa' amya'a. Hey'aksek sa' ko'o Wesse' egegkok ma'a élsakókxa nak exma, yának sa' ótak ma'a segwagkasso teyp apagkok.

Jueces 5:2

“Kóltemésses sa' kélyókxoho apcheymákpoho Wesse' egegkok, hakte apháha makham Israel énxet'ák appenchessamo nak aptamhágkaxa yaqwayam yempakha'; yetneyk makham nepyeseksa énxet'ák meltaqhessamo nak kóláneyha yaqwayam yempakha'.

1 Samuel 24:15

Wesse' egegkok sa' etnehek segyekpelchémo negko'o s'e egqánet nak, tén han exének yaqwánxa henteméssesek; ¡sa' elanok han aqsok sélane m'a, tén han hemyók neyseksa apmáheyo hetnéssessamhok exma ekmaso exchep, wesse'!”

1 Samuel 25:26

Ekya'ásegkók ko'o megya'awo elnápok xép énxet'ák ma'a Wesse' egegkok, tén han megya'awo exnéshok mók ma'a apteméssessamakxa'. ¡Éltamhók ko'o etnéssesek Wesse' egegkok, Nabal ma'a apteméssesakxa enxoho apyókxoho m'a apkelenmexma nak chá'a exchep, tén han apmáheyo nak chá'a etnéssessamhok exma ekmaso!

1 Samuel 25:32

Axta aptáhak apchátegmowágko David: —Apcheymákpoho sa' kólteméssesek Wesse' egegkok, Dios nak Israel, apcháphasa nak xeye' sakhem sélanyexakmo,

1 Samuel 25:34

Naqsók eyke ko'o ektemessásak yetlo sekxeyenma Wesse' egegkok apwesey, Dios nak Israel, senókáseyncha'a megkaltamho atnéssessamhok exma ekmaso, kaxtemék xeyk xeye' megkapekheyáseykha hélanyexegma', megyeymakpek xeyk xama enxoho énxet'ák apagkok saka m'a Nabal.

1 Samuel 25:40

Xama axta apkelwákxo David apkeláneykha m'a yókxexma Carmel, yaqwayam eltennaksek ma'a kelán'a. Aptáhak axta apcháneya s'e: —Ẽláphássek xeyk negko'o David apkeltamho agyo'ótak xeye', hakte apmenyeyk hek xeyk etnehek aptáwa'.

1 Samuel 26:10

Naqsók eyke ko'o sekxéna yetlo sekxeyenma Wesse' egegkok apwesey, peya yaqhek ma'a Wesse' egegkok, ekwokmo enxoho ekhem apketsapmakxa, essenhan apketsapma nak kempakhakma.