1 Samuel 25:38 - Biblia Enxet

³⁸ Diez ekhem axta entáhak, aplegassásegkoho makham ma'a Wesse' egegkok, keñe apketsapa m'a Nabal.

1 Samuel 25:38 ပူးပေါင်းရင်းမြစ်များ

2 Samuel 6:7

Aptaqnókkek axta eyke Wesse' egegkok ma'a Uzá, eñama megyáyo, axta apchaqhohok han ma'a, apketsekkek axta Uzá ekpayhókxa ekyetnakxa m'a Dios yántéseksek apagkok.

2 Reyes 15:5

Aplegassáseykegkók axta Wesse' egegkok ma'a wesse' apwányam, apchahaya negmasse ektepelchamaxche egyempehek ekwokmoho apketsapa, apxakko' apagko' axta aphak wesse' apwányam ma'a apxagkok apyawe nak, kélwátéssessegkek axta aptamheykha, keñe axta apmeykekxo aptamheykha m'a apketche Jotam, apkeláneykha axta m'a apchókxa'.

2 Reyes 19:35

Apxegkek axta Wesse' egegkok apchásenneykha xa axta'a nak, keñe apkelnáhapwokmo ciento ochenta y cinco mil énxet ma'a apkelpakxeneykegkaxa axta asirios, keñe axta mók ekhem, kelsakak axta, hágkek axta aphopák apyókxoho m'a.

2 Crónicas 10:15

Axta elyahákxak wesse' apwányam aptáhakxa apkelpeywa m'a énxet'ák nak, hakte Wesse' egegkok axta apmopmenyého katnehek xa ektáha nak, yaqwayam enxoho katnehek ma'a apkeltennassama axta katnehek Wesse' egegkok ma'a Jeroboam, Nabat axta apketche, apchásenneykekxo axta m'a Ahías, apkeñama axta Siló.

2 Crónicas 13:20

Mopwanchek axta apmáheyo énnaqteyásekxak makham apteme wesse' apwányam Jeroboam, neyseksa apha axta makham ma'a Abiam. Tén axta aplegassásegkoho Wesse' egegkok, apketsekkek axta han ma'a Jeroboam.

Salmos 104:29

massék agkok chá'a exchep apkelano, kalyegweyk chá'a; apyementamákxeyk agkok élennama, kaletsapok chá'a, xapop chá'a katnekxa'.

Salmos 73:19

¡Ekmanyehe sa' kólmasséssók! ¡Apkelaye sa' kasáwa'!

Éxodo 12:29

Axta'a eyseksók axta apkelnapa Wesse' egegkok kélketchek átnaha apketkók xama tegma chá'a m'a kañe' Egipto. Axta nahan cheynawok sekxók ma'a faraón apketche átnaha apketkok aphama axta chá'a m'a taháno ekyawe ektaqmalma, ekweykekxoho m'a apketchek átnaha apketkók nak ma'a énxet'ák apheykha axta kañe' negmomaxchexa, tén axta nahan ma'a émha amonye' ekwete étkók nak ma'a aqsok kélnaqtósso.

1 Samuel 25:33

Dios sa' epasmok xeye' eñama ektaqmalma élchetámeykha awáxok, hakte enókáseyha ko'o yaqwayam eykhe alnápok énxet'ák se'e ekhem nak, megka'awok ayaqmagkásekxak ma'a setnéssessamakxa nak.

1 Samuel 25:37

Keñe axta mók ekhem, ekmassa eyaqhe anmen ma'a Nabal, pékessásawok axta éltennáseykha Abigail ektáhakxa, keñe axta Nabal ekpelakkasa aqsa eyapa, yélaqtéssek axta han.

1 Samuel 26:10

Naqsók eyke ko'o sekxéna yetlo sekxeyenma Wesse' egegkok apwesey, peya yaqhek ma'a Wesse' egegkok, ekwokmo enxoho ekhem apketsapmakxa, essenhan apketsapma nak kempakhakma.

1 Samuel 6:9

Kóllanha sa': péwók sa' agkok ekmeyákxo weyke ekyenyawasso m'a Bet-semes, éñamakxa axta, eyke xa ektáha senteméssesso negko'o m'a Dios apagkok nak Israel xa aqsok ekmaso nak; sa' agkok kapéwók ma'a, agya'asagkohok sa' megkatnaha sẽllegassáseykegkoho m'a, senteme egagko' eyke.