1 Samuel 25:35 - Biblia Enxet

³⁵ Keñe axta David apkelma m'a aqsok élsókasso axta, tén axta aptáha apcháneya s'e: —Kataqhekxa axagkok yetlo meyke ektáhakxa'. Élyahákxók ko'o ektáhakxa seyáneya, ekméssek han ma'a sélmaxneya nak, ekhawo ektáhakxa nak ekwet'a.

1 Samuel 25:35 ပူးပေါင်းရင်းမြစ်များ

Génesis 19:21

Keñe axta aptáha apcháneya s'e: —Hoy, tase', atnehek sa' ko'o m'a aptáhakxa nak sélmaxneya, mamasséssemek sa' ko'o m'a tegma apketchetse apxénakxa nak.

2 Samuel 15:9

—Exeg sa' yetlo meyke ektamheykha apwáxok —axta aptáhak apchátegmowágko wesse' apwányam. Keñe axta Absalón apmahágko m'a Hebrón.

2 Reyes 5:19

Apchátegmowágkek axta Eliseo: —Etaqhekxa sa' meyke ektáhakxa apwáxok. Aptaqhákxeyk axta Naamán. Xama axta apwákxo makhawo',

Job 34:19

Mepasmekxeyk ma'a apkeltaqmelchesso nak apchókxa, metnéssesek apyeykhamap pók elanok ma'a ekxámokma nak aqsok apagkok tén han ma'a meyke nak aqsok apagkok, hakte cha'a apkelane apyókxoho m'a.

Proverbios 25:11

Hawók nennatanma sawo ekyátekto élyenma kélpáxaqteyáseyak la'a sawo ekmope élyenma m'a nempeywa negaqhémo nak chá'a nentáhakxa nempeywa.

1 Samuel 1:17

—Kataqhekxa sa' yetlo meyke ektáhakxa awáxok —axta aptáhak apcháneya m'a Elí—. Egkések sa' aqsok élmaxneyeykha m'a Dios apagkok nak Israel.

1 Samuel 20:42

Keñe axta Jonatán aptáha apcháneya m'a David: —Exeg sa' yetlo meyke ektamheykha apwáxok, hakte yetlo nenxeyenma Wesse' egegkok apwesey axta nenlánegkok ekhémo mók nélpaqhetchásamáxkoho, nélmaxnakkek axta han néltamho exek chá'a negyeseksa negko'o egqánet nak, cham'a nepyeseksa nak aptawán'ák neptámen, tén han ko'óxa. Yetlókok axta apxega David, keñe axta Jonatán aptaqháwo makham ma'a tegma apwányam.