1 Samuel 25:33 - Biblia Enxet

³³ Dios sa' epasmok xeye' eñama ektaqmalma élchetámeykha awáxok, hakte enókáseyha ko'o yaqwayam eykhe alnápok énxet'ák se'e ekhem nak, megka'awok ayaqmagkásekxak ma'a setnéssessamakxa nak.

1 Samuel 25:33 ပူးပေါင်းရင်းမြစ်များ

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Éxodo 22:2

“Kélwetágkók agkok nahan apmenyexakxa xama énxet apmenyexmo nak chá'a, kélyensássek agkok keñe yetsapok, mexénakpek sa' ektáha apmatñà m'a apketsapa enxoho.

Proverbios 13:14

Cham'a éñamakxa ekyennaqte egnények ma'a ektémakxa nak chá'a sẽlxekmósso m'a énxet apya'áseykegkoho nak aqsok, segmallahanchessamól'a sẽlpextehetma nétsapma.

Proverbios 17:10

Xama kélpaqhetchesso ey'ásegwók ektáhakxa aqsok ekmaso apkelane m'a énxet apya'áseykegkoho nak aqsok, keñe m'a énxet ekyeyháxma nak, cien kelyekpexchetma eykhe kóltéhek, mey'ásegwome'.

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.

Proverbios 27:21

Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; keñe énxet kólyekpelkohok chá'a m'a ektémakxa nak ektaqmalma apxénamap.

Proverbios 28:23

Énxet apnókáseykha nak chá'a pók, kalkohok sa' chá'a apwáxok natámen, megkatnehek sa' ma'a ektaqmeleykha nak chá'a appeywa elának pók.

Proverbios 9:9

Apkelxekmóssek sa' agkok xép ma'a énxet apya'áseykegkoho nak aqsok, keñe sa' kántagkok apteme apya'áseykegkoho aqsok; apkelxekmóssek sa' agkok xép ma'a énxet ektaqmalma nak apwáxok, keñe sa' kayágwomhok apya'áseyak aqsok.

1 Samuel 24:19

Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!

1 Samuel 25:26

Ekya'ásegkók ko'o megya'awo elnápok xép énxet'ák ma'a Wesse' egegkok, tén han megya'awo exnéshok mók ma'a apteméssessamakxa'. ¡Éltamhók ko'o etnéssesek Wesse' egegkok, Nabal ma'a apteméssesakxa enxoho apyókxoho m'a apkelenmexma nak chá'a exchep, tén han apmáheyo nak chá'a etnéssessamhok exma ekmaso!

1 Samuel 25:31

megkaqhek sa' xép apwáxok apkelnapma m'a énxet meyke nak apkeltémakxa', tén han apyaqmagkásekxo enxoho exchep apagko' ma'a apteméssessamakxa. Apmeyásekxeyk sa' agkok makham ektaqmalma apha exchep ma'a Wesse' egegkok, kaxén sa' apwáxok ko'o, sektáha nak apkeláneykha.