1 Samuel 25:30 - Biblia Enxet

³⁰ Apkelanak sa' agkok Wesse' egegkok ma'a ekyókxoho aqsok éltaqmela apkeltennassama axta exchep, apteméssesa enxoho apkemha apmonye' m'a Israel,

1 Samuel 25:30 ပူးပေါင်းရင်းမြစ်များ

2 Samuel 5:2

naqsók axta eykhe apteme wesse' apwányam egagkok ma'a Saúl, xép axta eyke apnaqlo chá'a énxet'ák Israel ma'a kempakhakma. Apkeltennassegkek axta han Wesse' egegkok yaqwayam etnehek xép apnaqleykha tén han apkeltaqmelchesso m'a énxet'ák Israel.”

Salmos 89:20

¡Ekwet'ak ko'o séláneykha David! Éxpaqhássessek han apqátek pexmok égmenek ekpagkanamaxche ahagkok, sekteméssesa wesse' apwányam,

1 Samuel 13:14

Néxa sa' xép katnégwók ma'a aptémakxa nak wesse' apwányam. Etegyaha sa' Wesse' egegkok xama énxet ekleklamo apwáxok, etnéssesek sa' apkemha apmonye' m'a énxet'ák apagkok, hakte melyahákxak xép ma'a apkeltémókxa axta etnehek.

1 Samuel 15:28

Keñe axta Samuel aptáha apcháneya Saúl se'e: —Cháxa apteméssesakxa nak xép Wesse' egegkok apyementamákxo apteme wesse' apwányam Israel. Apyementamákxeyk yaqwayam egkeyásekxak xama m'a apchókxa xamo' ektaqmalma nak aptémakxa, mexnawo nak xép.

1 Samuel 23:17

Axta aptáhak apcháneya s'e: —Nágkatneykha aqsa apwáxok, méteyekxeyk xép ma'a táta, Saúl. Xép sa' etnehek wesse' apwányam Israel, keñe sa' ko'o sektéteyak. Apya'ásegkok han táta xa, cham'a Saúl.

1 Samuel 24:21

Héltennés hana yetlo apxeyenma Wesse' egegkok apwesey naqso' peya memasséssemek étawán'ák netámen, tén han megyánhek kalwagqamaxchek sekwesey nepyeseksa m'a énámakkok.

1 Samuel 25:31

megkaqhek sa' xép apwáxok apkelnapma m'a énxet meyke nak apkeltémakxa', tén han apyaqmagkásekxo enxoho exchep apagko' ma'a apteméssessamakxa. Apmeyásekxeyk sa' agkok makham ektaqmalma apha exchep ma'a Wesse' egegkok, kaxén sa' apwáxok ko'o, sektáha nak apkeláneykha.