1 Samuel 25:27 - Biblia Enxet

²⁷ Éltamhók ko'o emlaskok kaxwók apkeláneykha ektáha nak apkelxegexma'a s'e aqsok sélmésso naqsa sélsókasakmo nak,

1 Samuel 25:27 ပူးပေါင်းရင်းမြစ်များ

Génesis 33:11

Éltamhók ko'o exchep elmok takha' aqsok sélmésso naqsa sélsántegkesa nak, hakte Dios ko'o etnéssessók ekxákma aqsok ahagkok, méko eyeyméxchexa'. Apkelenxanakmek axta eyke Jacob, keñe axta Esaú apkelma m'a aqsok apkelmésso naqsa;

2 Samuel 16:2

Apkelmaxneyáha axta m'a wesse' apwányam: —¿Yaqsa apmako etnéssesek se'e ekyókxoho aqsok nak? Apchátegmowágkek axta Sibá: —Yámelyeheykok yaqwayam elchántek ma'a apnámakkok nak; keñe s'e pán nak, tén han aqsok ekyexna yaqwayam etawagkok ma'a sẽlpextétamo, keñe s'e vino nak yaqwayam énagkok ma'a apkelyampágwayam nak yókxexma meykexa énxet.

2 Reyes 5:15

Keñe axta apxega yetlo apyókxoho apkelxegexma'a apya'aweykxo m'a Eliseo. Xama axta apwákxo makham ma'a aphakxa, aptáhak axta Naamán se'e: —¡Ekya'ásegwokmek ko'o kaxwók méko Dios ma'a ekyókxoho apheykegkaxa nak, wánxa aqsa m'a Israel! Éltamhók ko'o elmok takha' s'e aqsok sélmésso naqsa nak, ko'o sektáha nak apkeláneykha.

Proverbios 18:16

Yahamok chá'a agmaxchek takha' nensóko enxoho negmésso naqsa aqsok egagkok, agwomok chá'a m'a aphakxa nak énxet ekha nak kéláyo.

Jueces 4:10

Cham'a apkeláneyágkaxa axta han Barac Zabulón énxet'ák apagkok ma'a, tén han Neftalí, apchánchesákxeyk axta diez mil sẽlpextétamo, yaqwayam enxoho enaqlók. Yetlókek axta m'a Débora.

1 Samuel 25:42

Yetlókok axta han émpeykekxa néten Abigail élnaqtameyncha'a, chánteyk axta yámelyeheykok, yetlo élxegexma'a cinco éláneykha, kelxegkek axta neptámen ma'a David apkelápháseykha, meyk axta han ektáha atáwa' m'a.

1 Samuel 30:26

Xama axta apwákxo David ma'a Siclag, apkeláphássessek axta nekha aqsok ma'a apnámakkok, apkelámha apmonye'e axta Judá, apkelyementameykekxa axta m'a apkelenmexma, yetlo s'e appeywa nak: “Keso aqsok kélxawéyak naqsa kéxegke s'e, nekha aqsok sélyementameykekxa axta ko'o m'a Wesse' egegkok apkelenmexma.”