1 Samuel 25:24 - Biblia Enxet

²⁴ Keñe axta élpólegwokmo m'a ekpayhókxa nak apmagkok, axta entáhak eyáneya s'e: —¡Ko'o sa' hephewakxak seksexnánémaxche'! Heyho sekxók apaqhetchesek, yeyxho sekmakókxa nak atnehek wána'.

1 Samuel 25:24 ပူးပေါင်းရင်းမြစ်များ

Génesis 44:18

Apyepetchegwokmók axta Judá m'a José, aptáhak axta apcháneya s'e: —Wesse', peyk eykhe apaqhetchesek xép ektaqmalma agko', náhetaqnow aqsa, hakte aphawók xép ma'a faraón.

2 Samuel 14:12

Keñe axta ektáha makham eyáneya kelán'a: —Heyho sekxók makham apaqmétek axének mók aqsok, wesse'. —Kapaqmet —axta aptáhak wesse' apwányam.

2 Samuel 14:9

Chátegmowágkek axta kelán'a: —Wesse' apwányam ahagkok, negko'o sa' aqsa hẽlpehemmok nélsexnánémaxche', ko'o tén han ma'a énámakkok ahagko' nak, háwe sa' xép wesse', tén han ma'a apnámakkok nak.

2 Samuel 20:17

Xama axta apyepetchegwokmoho Joab, keñe axta ektáha élmaxneyáncha'a s'e: —¿Xépya Joab? —Ko'o —axta aptáhak apchátegmowágko. Entáhak axta eyáneya m'a kelán'a: —Yeyxho sa' sekpeywa wesse' ahagkok. —Ekhaxnawo neykhe —axta aptáhak apchátegmowágko.

2 Reyes 4:37

Yepetchegwokmók axta m'a kelán'a keñe élpólegwokmo m'a ekpayhókxa nak apmagkok Eliseo; tén axta ekmákxo étche ektepa m'a kañe' tegma.

Ester 8:3

Paqhetchásekxeyk axta makham wesse' apwányam ma'a Ester, kelpólénteyk axta ekpayhókxa aphakxa yetlo élekxagweykha, éltamho emasséssók ma'a ekmaso agko' apkeltémo axta kalanaxchek ma'a Amán, éltamho nahan megkalanaxcheyk ma'a aptáhakxa axta apkeláneykekxa amya'a apmakókxa etnéssesek ma'a judíos.

Proverbios 25:15

Kamasseksohok aplo wesse' m'a mampekhésamaxche nak chá'a ampaqhetchesek; kalekwomhok apwáxok ma'a ektaqmeleykha nak nempeywa anlána'.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.

1 Samuel 24:8

Yetlókok axta han apteyapma David ma'a kañe' meteymog áxwa apchamhánto m'a, aptáhak axta apwóneyncha'a s'e: —¡Saúl, wesse' apwányam! Appeynchákpók axta neptámen Saúl, keñe David apháxahánto ekwokmoho aptekxekwa'akto nápat náxop apxekmósa aptáha apcháyo,

1 Samuel 25:23

Xama axta ekwet'a Abigail ma'a David, keñe ektepa néten yámelyeheykok, háxahánteyk axta ekwokmoho ektekxekwa'akto nát xapop, ekxekmósa ektáha eyáyo.

1 Samuel 25:25

Nágyeyxho aptáhakxa exchek Nabal, cham'a énxet megkeyxnegwayam nak appeywa, háwe wanchek amya'a m'a ektémakxa nak apwesey, naqsók apteme ekyeyháxma m'a. Mopwanchek elának chá'a aqsok ektaqmela. Axta ko'o ót'ak apkeláneykha apkeláphasa axta exchep, ko'o sektáha nak apkeláneykha.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.