1 Samuel 25:21 - Biblia Enxet

²¹ Kelchetamokmek axta apwáxok David apxegakmo, eyaqhémo apkeltaqmelchessessama Nabal aqsok apagkok ekheykegko nak meykexa énxet, meyke apkelyementama xama aqsok apagkok enxoho, hakte asagkek axta apteméssesakxa', keñe axta David tásek axta chá'a katnehek apteméssesakxa'.

1 Samuel 25:21 ပူးပေါင်းရင်းမြစ်များ

Génesis 44:4

Axta han elwegkepákxak apkeltaqhákxo, ketók axta makham ma'a tegma apwányam, keñe axta aptáha apcháneya José apkemha apmonye' apchásenneykha s'e: —Elemhagkokxa hana m'a énxet'ák nak, sa' etnehek elának apkeltahanyékxo enxoho s'e: ‘¡Tásek axta ko'o sekteméssesakxa kéxegke, keñe kéxegke asagkek sélteméssesakxa'! ¿Yaqsa ektáha kélmenyexa nak egheykok sawo ekmope ekmomnáwa nak

Job 30:8

Énxet mékoho axta m'a, kélyekpexcheteykegkek axta kélántekkessama apchókxa'.

Salmos 35:12

Ekmaso chá'a apyaqmagkáseykekxak sekteméssessamakxa ektaqmela, cháxa eyaqha agko' nak ko'o ewáxok xa;

Salmos 37:8

Nágyoho chá'a kalwok apwáxok, elwatés aplo; ná elaw chá'a, hakte kayánchessamhok chá'a ekmaso aqsok xa.

Salmos 38:20

Ekmaso chá'a apyaqmagkáseykekxak sekteméssessamakxa ektaqmela; élenmexeykekxeyk chá'a ko'o eñama séltémo alának aqsok ektaqmela.

Proverbios 17:13

Megkamassegwomek sa' ekyetno apxagkok énxet aqsok ekmaso apyaqmagkáseykekxa nak chá'a aqsok ekmaso m'a kélteméssessamakxa ektaqmela.

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

1 Samuel 25:13

Keñe axta David aptáha apkeláneya m'a apkelxegexma'a: —¡Kólmekxa sa' kélmeykha kélanchesso kempakhakma kélyókxoho nak! Apkelchexnágkek axta sókwenaqte apagkok nepxet ma'a apkeláneykha nak, aptemék axta han ma'a David; cuatrocientos énxet'ák axta han apkelxegak apkelyetlawa, keñe axta doscientos apkelhákxo apkelánencha'a m'a aqsok apagkok.

1 Samuel 25:15

Ẽltaqmelchessegkek axta eyke negko'o xa énxet'ák nak. Axta hẽlya'assók exma neyseksa nélyetleykha m'a yókxexma nak, axta han hẽlyementameykegkok aqsok egagkok.

1 Samuel 25:20

chánteyk axta yámelyeheykok ma'a Abigail, yexáxkók axta ekweywento m'a ekweyweykentamxa nak egkexe. Pelakkassek axta han ekwet'a David yetlo apkelxegexma'a apkelxegakmo amonye', kelanyexágkek axta élma takha'.

1 Samuel 25:7

Ekleg'ak ko'o exchep apkelyéseságko nepkések apnaqtósso. Apya'ásegkok kexa han xép mólya'assama axta negko'o exma apkeláneseykha apnaqtósso nepkések apheykencha'a axta negheykegkaxa m'a yókxexma Carmel, méko axta han élyementamoma xama enxoho aqsok apagkok.