1 Samuel 25:13 - Biblia Enxet

¹³ Keñe axta David aptáha apkeláneya m'a apkelxegexma'a: —¡Kólmekxa sa' kélmeykha kélanchesso kempakhakma kélyókxoho nak! Apkelchexnágkek axta sókwenaqte apagkok nepxet ma'a apkeláneykha nak, aptemék axta han ma'a David; cuatrocientos énxet'ák axta han apkelxegak apkelyetlawa, keñe axta doscientos apkelhákxo apkelánencha'a m'a aqsok apagkok.

1 Samuel 25:13 ပူးပေါင်းရင်းမြစ်များ

2 Samuel 15:18

Apchaqnágwokmek axta nekha apkenmágkaxa m'a apyókxoho apkeláneykha, keñe axta apyókxoho nak quereteos, tén han peleteos, aptaqmelchesso nak wesse' apwányam, tén han seiscientos geteos ektáha axta apkelyetlo apkeleñama m'a Gat, apkeleywekxo apmonye'.

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 16:32

Tásek etnehek mepekhésso nak elwok énxet, kaxnók etnehek ma'a apyennaqte; tásek yepwának apkeláneykegkoho aptémakxa énxet, kaxnók elmok ma'a tegma apkelyawe nak.

Proverbios 19:11

Ekha élchetámeykha apwáxok chá'a katnésseshok énxet ma'a mepekhésamap nak chá'a elwok, keñe ekha kéláyo chá'a katnéssesek ma'a meyaqmagkáseykekxa nak chá'a mók kélteméssesakxa'.

Proverbios 19:2

Asagkek agmáwhok agko' anlának aqsok meyke nak sekxók élchetámeykha egwáxok; magaqhók chá'a m'a nempekhésa enxoho chá'a.

Proverbios 20:22

Ná exén chá'a eyaqmagkásekxak kélteméssesakxa'; etne chá'a apcháyo Wesse' egegkok, sa' emallanchesek ma'a.

Proverbios 25:8

ná epekhaksoho chá'a emyekxak ma'a sẽlyekpelchémókxa nak, hakte emegqeyk katnehek xép apxéna enxoho apteme apmopwána amya'a m'a pók apweteykegkoho, keñe sa' xép mey'asagkehek aptáhakxa natámen.

Josué 9:14

Aptókagkek axta énxet'ák Israel aptéyak axta m'a énxet'ák nak Gabaón, axta eyke elmaxneyáha m'a Wesse' egegkok.

1 Samuel 22:2

Apkelyo'ókmek axta han apkelyepetchegwákxo apyókxoho m'a énxet'ák kélnaqtawáseykegkoho nak, tén han ma'a ekha nak apkelméyak aqsok, tén han ma'a apyókxoho megkaleklo nak chá'a apkelwáxok ektémakxa apheykha, keñe axta David aptéma apkemha apmonye' apagkok. Cuatrocientos axta apyókxoho m'a énxet'ák apkelyetleykha axta chá'a.

1 Samuel 23:13

Tén axta David yetlo apkelxegexma'a apkelántepa m'a Queilá, ketók seiscientos axta han apyókxoho, apkelweynchámeykha axta aqsa. Xama axta apleg'a amya'a Saúl apxeganakmo aptepa David ma'a Queilá, apkelwátéssekmek axta yaqwayam ey'ammok.

1 Samuel 25:12

Apkeltaqháwok axta makham David apkeláneykha, xama axta apkelwákxo m'a aphakxa nak David, apkeltennáseyha axta ekyókxoho aptáhakxa apkeláneya m'a Nabal.

1 Samuel 27:2

Tén axta apxega David yetlo seiscientos apkelxegexma'a apkelmahágko m'a Gat, aphakxa nak ma'a wesse' apwányam Aquís, Maoc axta apketche.