1 Samuel 24:22 - Biblia Enxet

²² Naqsók axta han aptemessásak David apmésa appeywa m'a Saúl, tén axta Saúl apmeyákxo makham ma'a apxagkok apyawe nak, keñe David yetlo apkelxegexma'a apkelmeyákxo m'a tegma apyennaqte nak.

1 Samuel 24:22 ပူးပေါင်းရင်းမြစ်များ

Génesis 21:22

Xegkessegkek axta han kaqhohok xa ekhem nak, appaqhetchessama axta Abimélec ma'a Abraham, Ficol axta han apxegexma, apkemha apmonye' sẽlpextétamo apagkok axta. Aptáhak axta Abimélec apcháneya Abraham se'e: —Negweteyak chá'a negko'o appasmoma Dios ekyókxoho aqsok apkelanakxa enxoho.

Génesis 21:23

Héltennés kaxwók nápaqto' Dios keso neghágkaxa nak yókxexma, mehenteméssessamók exma ekmaso negko'o, ko'o tén han étchek, ekweykekxoho m'a étawán'ák netámen peya nak elántepagkok. Éltamhók ko'o exchep meheyenyawha, ektéma nak ko'o mayenyaweykencha'a chá'a exchep, éltamhók nahan etnéssesek ekhawo s'e énxet'ák apheykencha'a nak se'e apchókxa, aphakxa nak kaxwók xép.

2 Samuel 21:6

egmenyeyk negko'o hẽlmések siete aptawán'ák neptámen xa énxet nak, keñe sa' negko'o ólmakhésha néten nápaqtók Wesse' egegkok ma'a Guibeá, apkeñamakxa axta Saúl, apkelyéseykha axta Wesse' egegkok. Apxénchek axta elmések ma'a wesse' apwányam,

2 Samuel 21:7

apmeyókek axta eyke m'a Mefi-bóset, Jonatán axta apketche, Saúl axta aptáwen, eñama m'a aphéssamo axta mók apkelpaqhetchásamákpoho ekmámnaqsoho m'a Jonatán.

1 Samuel 23:29

Cháxa apkeñamakxa axta han David apmaheykegko apheykmo m'a tegma apkelyennaqte nak En-gadi.

1 Samuel 26:25

Keñe axta Saúl aptáha s'e: —¡Wesse' egegkok sa' epasmok xép David, épháyem! ¡Etekkesek sa' xép aqsok apkelane, tásek sa' katnehek ekteyapma ekyókxoho aqsok apkelanakxa enxoho! Aptaqháwok axta apxagkok Saúl natámen xa, keñe David apxegákxo makham.