1 Samuel 24:19 - Biblia Enxet

¹⁹ Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!

1 Samuel 24:19 ပူးပေါင်းရင်းမြစ်များ

Salmos 18:20

Egkéssegkek axta ko'o ekyánmaga Wesse' egegkok ekpayhawo nak hegkések, eñama eyáxñeyo sektémakxa,

Jueces 17:2

aptáhak axta apcháneya egken se'e: —Ekleg'ak axta ko'o kélmenyexchesa mil cien sawok selyaqye aktek élmope, tén han ekyemnéncha'a m'a ektáha nak apmenyexma, ko'o ekmáha xa selyaqye nak. Ko'o axta ekmenyexchásak; almeyásekxak sa' eyke makham, hakte ekleg'ak xeyk ko'o ekxéna ekpagkanchesso Wesse' egegkok, yaqwayam kának kalanaxchek xama aqsok kéleykmássesso kélyepetchesso nak émpehek sawo ekmope ekmomnáwa. Apkelmeyásekxeyk axta makham ma'a selyaqye. Tén axta egken ektáha s'e: —¡Wesse' egegkok sa' epasmok, hatte seyásekhayo!

Rut 2:12

¡Dios sa' egkések ekyánmaga aqsok élane! ¡Sa' egkések ekyánmaga ekyókxoho aqsok élane m'a Israel Dios Wesse' apagkok nak, cham'a ekya'aweykxo axta ektegyeyncha'a ekpasmo!

1 Samuel 23:17

Axta aptáhak apcháneya s'e: —Nágkatneykha aqsa apwáxok, méteyekxeyk xép ma'a táta, Saúl. Xép sa' etnehek wesse' apwányam Israel, keñe sa' ko'o sektéteyak. Apya'ásegkok han táta xa, cham'a Saúl.

1 Samuel 23:21

Axta aptáhak apkeláneya Saúl se'e: —¡Dios sa' epasmok kéxegke eñama ektaqmeleykha kélwáxok séllányo ko'o!

1 Samuel 26:23

egkéshok chá'a ekyánmaga Wesse' egegkok ektémakxa aqsok apkelane m'a énxet ekpéwomo nak aptémakxa, tén han meyenyaweykha nak chá'a. Egkéssek eykhe ko'o Wesse' egegkok yaqwayam waqhek xép se'e sakhem nak, makke ko'o amakók atnéssessamhok exma ekmaso xép wesse' apwányam, aptáha nak apkelyéseykha Wesse' egegkok.

1 Samuel 26:25

Keñe axta Saúl aptáha s'e: —¡Wesse' egegkok sa' epasmok xép David, épháyem! ¡Etekkesek sa' xép aqsok apkelane, tásek sa' katnehek ekteyapma ekyókxoho aqsok apkelanakxa enxoho! Aptaqháwok axta apxagkok Saúl natámen xa, keñe David apxegákxo makham.