1 Samuel 24:11 - Biblia Enxet

¹¹ “Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 24:11 ပူးပေါင်းရင်းမြစ်များ

2 Samuel 1:14

—¿Yaqsa ektáha megyeka nak apchaqha m'a wesse' apwányam, apkelyéseykha axta m'a Wesse' egegkok? —axta aptáhak apcháneya David,

2 Reyes 5:13

Apya'awékxeyk axta eyke m'a apkeláneykha nak aptáha apcháneya s'e: —Wesse', kaxtemék xeyk apkeltémo elának aqsok ekmáske nak anlának ma'a Dios appeywa aplegasso nak. ¿Melanyeya exchek xép? Exchek eyke ekyágwánxa agkok aptáha enxoho apcháneya s'e: eyaqpés, tén sa' káxñekxohok apyempehek.

Job 10:16

Eyeyxkók agkok ko'o, heyaqmaksek xép ektémól'a méwa, weykmók apkelane m'a aqsok sempelakkasso nak agweta' apmáheyo hemasséssók.

Salmos 119:161

Énmexeykha chá'a ko'o meykexho sektáhakxa m'a énxet'ák apkelwesse'e nak, cháyók eyke ko'o ewáxok ma'a appeywa nak.

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 35:7

Meykexho sektémakxa epekkenchessók emonye' kelhanma; meykexho sektémakxa emétegkessók emonye' máxek, yaqwayam enxoho ko'o atyamok ma'a kañe'.

Salmos 59:3

apyetneyk énxet'ák apkelyennaqte, sélhaxanma nak apmáheyo heyaqhek. Wesse', magwanmexeykekxak xép, malaneyk han may'assáxma;

Salmos 7:5

Ektemék sa' agko' xa, hémheykha sa' ma'a sénmexma nak; hethanyekxak sa', tén sa' héñawasha náxop, éttelegwasha sa' náxop ma'a ektémakxa nak ekha séláyo.

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Lamentaciones 4:18

Enláneykha chá'a ekyókxoho nélmahágkaxa enxoho chá'a; mogwanchek ólántépok ámay. Ketók negmassamakxa'; ¡wokmek kaxwók néxa nélweynchámeykha!

Ezequiel 13:18

Etne sa' elának se'e: ‘Keso aptáhakxa exchek appeywa Wesse' egegkok se'e: ¡Kéxegke laye kelán'ák, kéltegyéyak nak chá'a énxet; kéllánéyak nak chá'a kélpextete kélmék ekha ekmowána yaqwayam enxoho elatchesagkok chá'a naxta'a apmék ma'a apyókxoho énxet, ektémól'a m'a kélpekkenma kélmek la'a, tén han kélláneyak nak chá'a m'a apáwa apkelexyawe yaqwayam enxoho elatchesagkok apqatkok ma'a apyókxoho énxet! ¿Kélaneykeya kólewának kólyementók apkelyennaqte énxet'ák ahagkok essenhan kólwagkasaxchek teyp kéxegke, cham'a ekxéna enxoho chá'a kélwáxok?

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

1 Samuel 12:3

keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.

1 Samuel 18:27

apnaqlókek axta David sẽlpextétamo apagkok, apkelnapchek axta han doscientos filisteos; tén axta apkelsákxésa wesse' apwányam ma'a apkelyenyekhassáseyak axta nekha apyempe'ék, apkelméssek axta yaqwayam etnehek apepháyem. Yetlókok axta han apmésso Saúl ma'a apketche Mical, yaqwayam etnehek aptáwa'.

1 Samuel 23:14

Apheykmek axta David xama tegma apyennaqte apheykegko axta m'a egkexe meykexa énxet nak Zif, apketamsegkek axta eykhe Saúl yókxoho ekhem, axta eyke eltémók emok ma'a Dios.

1 Samuel 23:23

Kóltaqmelchesho sa' kéllányo m'a apmeyeykekxexa enxoho chá'a éxanmok, keñe sa' hélyo'ótak héltennássetak ekpayhókxa', keñe sa' alyetlakxak ko'o kéxegke. Naqsók sa' agkok apha m'a yókxexma nak, aktamok sa' ko'o nepyeseksa apyókxoho m'a Judá apnámakkok nak.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.

1 Samuel 26:18

¿Yaqsa ektéma seyaqmáseykencha'a nak wesse', ko'o sektáha nak xép apkeláneykha? ¿Yaqsa aqsok séláneya? ¿Yaqsa aqsok ekmaso séláneya ko'o?

1 Samuel 26:20

Mómenyék ko'o amátog makhawók mexnakxa nak Wesse' egegkok, ¡apxegeykmek eyke exchep wesse' apketamsama máleg askok, eyaqmáseykha m'a neyseksa egkexe nak, máxa sénhek etnéssessók!

1 Samuel 26:23

egkéshok chá'a ekyánmaga Wesse' egegkok ektémakxa aqsok apkelane m'a énxet ekpéwomo nak aptémakxa, tén han meyenyaweykha nak chá'a. Egkéssek eykhe ko'o Wesse' egegkok yaqwayam waqhek xép se'e sakhem nak, makke ko'o amakók atnéssessamhok exma ekmaso xép wesse' apwányam, aptáha nak apkelyéseykha Wesse' egegkok.